●● يوميات || جـآمعية .. [الأرشيف]

ฑ๑๑หy.M.SH

09-26-2010, 04:46 PM

الدوام الجـآمعي يبتدي السبت الجـآي
السبت هذا أو بالاصح الاسبوع هذا هو لتعديل الجداول ..

وطبعا زي ما انتوا عارفين الاسبوع اللي قبله كـآن تأكيد التسجيل
تأكيد التسجيل الله يسلمكم .. كنا من الدفعه المغضوب عليها على قوله صديقتي { 2010
ليه ؟
وكيف ؟
وشلون ؟
وعشان ؟

المفروض التسجيل يفتح لنا يوم الثلاثاء الساعه 6 المغرب ويستمر لما الساعه 6 الصباح , يعني 24 ساعه لنا حتى نسجل !!

اللي حصل , انو البآنر يفتح لكن لما نجي نسجل تطلع لنا عبآره
{ لا يسمح لك بالتسجيل الآن :new_shocked:

وجلسنا كل شوي نشيك ونشيك
لين فقدنا الأمل وقلنا يمكن بكرا
ويمر الاربعاء والخميس و الجمعه والحاله نفس ماهي :sneaky2:

إلين جآ يوم السبت اللي هو أمس
وانا اببببببداً مو ببالي أداوم اساسا من عطلنا وانا مفكره ان اول اسبوع ما احضره ابد !
فقلت استنى السبت يجي يمكن يفتحون ..
وفعلاً فتحوا التسجيل ..
و أكدت على المواد كلها , ماعدا ماده وحده مو راضيه :nerves:
يطلع لي { ساعات المحاسبة غير صـآلحه !

وبرضو ما ابي اداوم :sneaky2:
فقلت اقرب شي صاحبتي تسأل وحده تعرفها بالقبول والتسجيل تعلمنا ايش المشكله
فقالت تداومون وتطبعون الجدول حقكم

بس بعد ما ابي اداوم :sneaky2:
وقلت خلي اليوم يعدي ماراح اروح
ولما جا اليوم الصباح اللي هو الأحد ..
عرفنا بنت راح تداوم وقلنا لها تسأل ,
برضو قالوا لها لازم يجون ويعبون ورقه !

صاحبتي : اقول ايش رايك نروح الحين
انا : اييييييش :new_shocked:, شعرررري حوووووسه وشكلي مره حوسه مابي اروح :sad2:
صاحبتي: يختي ولا نجلس كذا على اعصابنا خلينا نروح نخلص اليوم ونفتك
انا : طيب متى نروح ؟
صاحبتي : ماعندي احد يوديني
انا : عادي بمرك مع ابوي بس متى نروح ؟ 12 كويس ؟
صاحبتي : لا اذا قبل احسن
انا : لا ويين :nono2: ... على مانخلص , انا بآخذ لي شآور

المهم ..
خلصت شاور ودقيت على ابوي ووافق
طلعت ملابسي , ولبست
وجلست احوس بشوشتي لين ماصرت كذا q18
> لا احد يصدق ترا ما حطيت ورده !!
ياللله !!

رحت مريت صقيقتي وجلست انقل جدولي من جوالي لان ممنوع مع انهم مافتشوا
وكتبت كل شي عندي بورقه
ودخلنا الجامعه
عند الباب

انا لصاحبتي : يععع ادخلي انتي اول
صاحبتي : :LSHIC:

عند المدخل
صقيقتي بتطلع بطاقتها

انا : خخخخ ما احد حووولك :LSHIC:

انا : :nono2: مافي احد ! الباب مسكر !!
صاحبتي : خخخ تخيلي
انا : افف شعري حوسه
صاحبتي : اسكتي بس انا اللي حوسه وجهي مفقع نوم q13
انا : اقول هذا عاكس ابي اضبط شعري
صاحبتي : اقوول امشي بس

ودخلنا وفسخت صقيقتي العبايه

انا : مو لازم :idiot:
صاحبتي : الا
انا للأمن : عادي صح ؟ :whistling:
الامن تهز راسها " ايه "
صاحبتي : لا والله !!
الامن : ايوه بس هذا الاسبوع مخلينكم على راحتكم

دخلنا وسألنا تبع القبول والتسجيل
واعطتنا ورقه نعبي البيانات
القبول : معاكم الجداول ؟
انا : لا لازم ؟
القبول : ايوه لازم ترفقينها مع الورقه
انا اطالع صاحبتي : :nosweat:
انا للقبول : طيب نقدر نسوي شغلنا هنا ؟
القبول : لا مافي نت :shrug: , تقدرين ترجعين البيت تطبعينها وترجعين ..
انا : طيب ايش يعني ساعات المحاسبة غير صالحه
القبول : ما ادري كل البنات يقولون كذا , بس حاولوا اليوم لانه مفتوح اذا دخلت معاكم خلاص مايحتاج تجون

خخخخخ واحلى مشوره على الفاضي

انا : ليتنا سامعين كلام شوش وطبعنا الجدول :lac:
صاحبتي : المشكله ان البنت الي جات اليوم مافهمت شكلها تقول الجدول الكبير ماعرف ايش
انا : والحل ؟
صاحبتي : نروح بيتكم نطبع ونجي بس اسألي ابوك عشان بكرا مانجي
انا : مممم , خلاص بكرا احسن
صاحبتي : عشان مانشيل هم
انا : لا خلاص نجي نعطيهم الاوراق ونطلع السوق
صاحتبي : السوق يفتح الظهر
انا : يووه ممممم خلاص وش نسوي بكرا نجي

صاحبتي : ايش رايك اجيب لك الورقه بيتكم وتودينها انتي
انا : لا واللله اجي لحالي ؟
صاحبتي : ههههه لا بس عشان ابوك مايمر علي الصباح
انا : قولي ما ابي اجي
صاحبتي : :tongueP:
انا : خلاص جيبيها لي وانا اودي الاوارق بكرا , بس انتي أكدي على ابوك نطلع للسوق بكرا
صاحبتي : اوكي

رجعت البيت و سويت ورقه صاحبتنا الثالثه لانها بمكه
وسويت ورقتي
وخلصتها الحمدلله
http://store2.up-00.com/Sep10/4Tl05278.jpg

باقي ورقه صقيقتي تجيبها وبكرا اوديهم

الله يعين بس والله يستر ان شاء الله يضبط معانا كل شي

هذا اول يوم لي بالجـآمعة q11

ฑ๑๑หy.M.SH

09-27-2010, 09:05 AM

صـوور }~

http://store2.up-00.com/Sep10/ez063584.jpg

الكرسي اللي ع اليسار ..
مره كانوا 2 من صديقاتي جالسين عليه وانا جلست على الارض عشان اعرف اسولف
وكنا نتذكر ايام المدرسه و المدرسات وو .. :movingtongue:
وقتها تمنيت لو ندبر لنا بريك نجلس كل يوم مع بعض
بس للاسف لما نجي نسوي جداولنا كل وحده تشوف الدكاتره اللي يعجبونها وننسى موضوع الجمعه :thmbdn:

http://store2.up-00.com/Sep10/mYm63584.jpg

هذا احد الكلاسات
درست فيه اول سمستر لي بالجامعه اداره اعمال واختبرت فيه و ثاني سمستر درست فيه انقلش
بـ الـ C بس مدري كم رقمه خخخ يمكن 15
:lol:

http://store2.up-00.com/Sep10/bt163584.jpg

وهذا على السمستر الثاني فتحوا لنا هذا المبنى وهذا الكلاس فـ F
اتوقع 22 :movingtongue:

درست فيه حاسب واختبرت فيه ..

http://store2.up-00.com/Sep10/A6563755.jpg

وهذا غدانا خخخخخ ..
صار هارديز من ذكريات الجامعه , يذكرني فيها
كل ماقررنا نطلب مانطلب الا منه
واهم شي نطلع برا ناخذ الاكل ونلاقي بنات غيرنا
والسواق يطلع الفواتير ويقول الاسامي :lol::lol:

وبس
طبعا بيني وبينكم
~{ كنت مهربه الجوال عشان كذا ما عندي صور كثيره :lol:

ฑ๑๑หy.M.SH

09-27-2010, 01:37 PM

ثاني يوم لي بالجامعه }~

صحيت الساعه 5 :yawn:
وجلست لما 9 الا كم دقيقه وقلت اريح شوي قبل لا اروح
بس ماقدرت ..
رحت اخذت شآور وسويت شوشتي ولبست
لما جات الساعه 11 طلعت من البيت وانا معاي الاوراق الثـلاثه ..

الموووووهم كان زحمه عند الباب
لان اليوم كان في اختبار للدفعه الجديده تحديد مستوى للانقلش
مدري وش هالنظام الجديد :eyebrow:..

دخلت q5 ..

الأمن : العبايه لو سمحتي :shrug:
انا : اوه طيب :innocent:

حطيت شنطتي ع الكرسي وبعدين استوعبت

انا للأمن 2: بس انا لابسه تي شيرت :nosweat: !! بس بعطيهم اوراق و اطلع
> بغيت اقولها امس قلتوا هالاسبوع على راحتكم خخخخ بس هذي وحده ثانيه
الامن2 : طيب

وزززز اسسسسرع شي :eekout:
دخلت عند القبول و اعطيتها

القبول : كم وحده مسويه انتي ؟ :huh1:
انا : لا هذي لصاحباتي :nosweat:
القبول : طيب اول شي انتي نبدا فيك ايش اسمك
انا : نورا :innocent:
القبول : طيب انتي خريجه ولالا
انا : لا :nosweat:
القبول : يعني متى تتوقعين تتخرجين على السمستر الثاني؟
انا : ان شاء الله :nosweat: !
القبول : يعني تعتبرين خريجه غيري هذا واكتبي هنا الفصل الثاني :idiot:

القبول : كلمي صاحباتك وشوفي هم ايش :idiot:

دقيت على اول وحده وردت وهي نايمه والحمدلله ردت
انا كنت عارفه انها مثلي بس قلت اتأكد
وبرضو حطيت لها خريجه ورجعت اعطيها تشيك لي الورقه وقالت تمام

انا : طيب هذي ماينفع تاخذونها ؟ ادق عليها ماترد يمكن نايمه وهي مسافره :nosweat:
القبول : طيب هي صاحبتك يعني انتي ايش تتوقعين ؟ :innocent:
انا : المشكله ماكانت معاي بكلاساتي وكذا بس ما ادري !
القبول : طيب هي ساعاتها المكتسبه اكثر منك يعني خريجه :blahblah1:
انا : طيب يفرق لو حطيتها خريجه ولالا
القبول : ايوه يفرق , عشان كذا نقول لكم لا تسوون اوراق صاحباتكم :nono1:
انا : بس ممم ,. ادق عليها ماترد :nosweat:
القبول : طيب رقمها مكتوب
انا : ايه
القبول : خلاص لوو فضيت بدق عليها
انا : طيب رقمكم اعطيها تكلمكم
القبول : لا مافي تحويلات وحوسه انا بدق عليها بس انتي قولي لها
انا : اوكي :confused:

بعدين قلت دامني بالجامعه خليني اجلس شوي
وادق على صديقتي اقولها تدور رقم ام البنت
واكلم ابوي اقوله بجلس شوي ربع ساعه زياده
وانا اجلس احاول ادق عليها وماترد

صاحبتي : دقيت ماترد :sleep3:
انا : يووه والحل
صاحبتي : اتوقع خريجه
انا : احطها على مسؤوليتك ؟ :shutup:
صاحبتي : لالا :nono1: , خلاص اجل خليها هم يدقون عليها , بس لو قلتي مو خريجه ماراح يهتمون
انا : طيب ايش اسوي اروح اقولها دقيت عليها وقالت خريجه ؟
صاحبتي : مادري
انا : خلاص باخذ ورقتها معاي :confused:

انا للقبول : في ورقه هنا بأسم ***
القبول2 : هذي ؟
انا : ايه ,, طيب يعني ايش يفرق لما يكون خريجه ولالا :mushy:
القبول2 : الفرق ان الخريجات اللي تمسك الاوراق وحده ثانيه واللي مو خريجات الاوراق عندنا , وانا اشوف انها خريجه لان يصير باقي لها 17 ساعه تقدر تاخذها :blahblah1:
انا : طيب يعني اخليها خريجه :mushy:
القبول2 : لا يفرق .. دايم نقول لا تسوون اوراق صديقاتكم :nono:
> هذي وحده ثانيه
انا : طيب ممممم يعني تجيبها بكرا ؟ هي مسافره بتجي الثلاثاء او الاربعاء
القبول 2: خليها تخلص بدري لا تجيبها الاربعاء تتأخر بعدين
انا : ايش اسوي ماترد خلاص بخليها تجيبها بكرا
القبول2 : ايه خلاص صلحيها وجيبيها

وطلعت وجلست احاول ادق عليها
وادق
واكتب بالبي بي > ماسوو تفتيش اليوم
وابببببد ما احد يرد :lac:

دقيت على صديقتي مره ثانيه

انا : طيب ارسلي مسج لامها قولي لها انك *** يمكن ماترد على ارقام غريبه
صاحبتي : هاتي الرقم
انا : ليه ماعندك ؟:sweatdrop:
صاحبتي : لا
انا : اجل كنتي تدقين على مين :new_shocked:
صاحبتي : ادق عليها
انا : يوووووه انا كنت ادق عليها احسبك تدقين على امها :34:
> شكلها من النوم ماسمعت زين :pokey:
صاحبتي : بشوف لو عند امي الرقم

وطلع ماعندها وقلت خلاص باخذ الورقه معاي البيت
لان اساسا هي ماكانت بتسوي ورقتها الا يوم الثلاثاء بتروح للجامعه
بس انا قلت لها دامني رايحه بسوي لك ورقتك

ف الله يعيننا ويعينها

قبل لا اطلع من الجامعه لقيت رقم اسمه توهه هههههههه
قلت يمكن امها وادق ولا احد يرد

دقيت على ابوي ورجعت البيت :p

آآآآآآهـ على اني وديت ورقتي على اني شايله هم صديقتي :no1::no1:
الله يعين

زليخه

09-27-2010, 09:25 PM

يازينها ايام الجامعه

اقول نوني استمتعي بكل دقيه شفتي حلاوة الثانوي هذي احلى واحلى

والسبه لاتسأليني مدري ماجا في بالي شي محدد لما اعرف بجي اقلك هنا

روووووووووووعه يومياتك

يختي كنا نروح الكليه ماغير نمشط هالشوشه ونلبس الجينز والكاوتش وهاتك يامشي لين ننهلك من كثر الدوران بها المباني

الله يعطيك العافيه

والكلاسات ماشا ء الله تبارك الله نظيفه :lac:

ويارب تكون سنه سعيده وحلوه وشدي حيلك وجيبي 4 واكسري خشمهم <<براااااااا

CuřŁy Đǿll

09-27-2010, 09:36 PM

غمزة شقاوه

09-27-2010, 09:57 PM

موضوع مره نايس واكشن :thumbup:

يؤؤؤ ياشين الجداول وحوستها وتاكيد وسالفه ذكرتيني لمن اسوي حق اختي بس هالسنه افتكيت صاحبتها سوت لها نفس حالتكم هع

اقول عندكم 3 ساندوتش مايصير اخذ وحده :idea:

بالتوفيق يالغلا وان شاء الله تكون سنه حلوه وخفيفه وتعدي بسرعه وعلى خير

"..روح الخبر.."

09-28-2010, 08:19 AM

اعتبريني من متابعين يومياتك بس ماعندي اي تعليق الحين ...............

ฑ๑๑หy.M.SH

09-28-2010, 08:23 AM

زليخه
:
أهللن .,
ايوه ايوه اصلاً انا ماحبيت الثانوي لاني اساساً ماكنت مثل البنات من النوع اللي يستهبل وو ..
فما حنيت لها خصوصاً قعده الصبآح مسستحيله
والجامعه عندي عادي لو بدينا احس اني اتحمس شوي

هههههههه افا عليك ..
انا اذا طفشت ومالي نفس امسك شوشتي و اروح الجامعه
مو كثير اهتم بس على حسب المزاج :poorfool:
بس لان هذاك اليوم كانت الحاله صعبه قالت لي نطلع فجأه فماكان ببالي

ايه لا الحمدلله الكلاسات نظيفه :bounce:

هههههه ان شاء الله , الحين هالسنه عندي كأنها ثالث ثانوي خخخ
هي اللي تحدد اكمل ولالا :sleep2:
|
|
كيرلي
:
هههههه لا لو سمحتي انا ما آكل خروف ..
خليها دجاج اوفر لك :p

هههههههه حياك الله ..
خلاص هالسمستر لين طلبنا حسبتك معانا :bounce:
|
|
غمزه
:
مرره شي مقرف ..
انا هالسمستر جدولي وآحد الله يسعده سوآه لي بغيت اصيح من كثر مايطلع لي تعارض !
لا بالعدد , خلاص انتي و كيرلي المره الجايه :bounce:

آمييين يارب يسمع منك :heart:
|
|
روح
:
حيآـك :sleep2:
|
|
سنكيوو لمروركم ..
:heart:

Mr.a7maD

09-28-2010, 11:17 AM

nice topic :bounce:

enjoy your study in these beautifull days

best of luck and hope you graduate with a great GPA
:vertag:

waiting 4 newz

ฑ๑๑หy.M.SH

09-29-2010, 09:29 AM

أحمد
:
إن شاء الله يـآرب , :shrug:
و السبت بإذن الله ببدا كتابه مع بدايه الدوام :idiot:

اسعدني مرورك , وحياك ربي ..

"..روح الخبر.."

09-29-2010, 09:45 AM

هاه كيف اليوم انشالله ضبطت اوراقكم كلكم يا عسل ؟؟!!

ฑ๑๑หy.M.SH

09-29-2010, 09:54 AM

روح
:
لا والله ما ندري عن شي ..
عندهم ارقامنا
ونقدر نشيك على البآنر لو تأكدت الماده
وو لو ماعرفنا شي , السبت مع الدوام نستفسر..

بس إن شاء الله تتأكد يآرب

~*snureta*~

09-29-2010, 02:59 PM

ـآلله يعينكمـَ
متـآبعه .,

:
:

q22

ฑ๑๑หy.M.SH

09-29-2010, 09:03 PM

اليوم شيكت فتحت البآنر ..
ولقيت بجنب اللغات الى الان مكتوب تسجيل مبدئي :thmbdn:
ووو قبل شوي كنت طالعه

صقيقتي ع البي بي : دخلت على جدول الطالب الدراسي اللغات موجوده
انا : مكتوب تأكيد
صقيقتي : لا مو مكتوب شي بس موجوده نفس باقي المواد
انا : خخخخخخخخخخخ من زمان موجوده

وشوي الا تدق علي وتحاول تقنعني
وانا اقنعها نفس الشي انا مشيكه وطالع لي مبدئي
وهي تقول لا مو مكتوب شي انا طابعه الجدول يختلف
:blahblah1:... الخ الخ

عاد توني شيكت :

http://store2.up-00.com/Sep10/vXC79504.jpg

يعني اليوم سجلوها لناا :hyper::clap2:

ألف الحمدلله ,,

ฑ๑๑หy.M.SH

09-29-2010, 09:04 PM

سينيوريتا
:
آميين ياارب :hands: ..
حيآك ربي

صوت الناي

09-29-2010, 09:43 PM

:shades:

زين زين مبروك مبروك نونني
الحمدلله تثبت جدولك اوووكي
:apple:
موفقه يارب :angel2:
متابعه يومياتك من اليوم << توني ادري عن هالمكان سوري دخلاتي للمنتدى قليله وتأخرت على موضوعك ؟؟ :sweatdrop:

ฑ๑๑หy.M.SH

09-30-2010, 02:44 PM

صوت
:
الله يبـآآرك فيك ..
ايه ألف الحمدلله , برجع اكتبه هون :smilie1:

جمييعاً يَ رب ..
لا مافي أي تأخير :sweatdrop:

حيآك الله

ฑ๑๑หy.M.SH

09-30-2010, 02:53 PM

جدولي :book: }~

السبتS
>>> 8:00 - 9:29 لغات الحآسب الآلي 1
>>> 9:30 - 10:59 مبادئ الاحصاء (1)
>>> 11:00 - 12:30 مبادئ الاقتصاد الكلي

الاحد U
>>> 8:00 - 9:29 محاسبه تكاليف (1)
>>> 9:30 - 10:59 لغات الحاسب الآلي 1
>>> 12:30 - 2:30 لغه انجليزية علمية

الاثنينM
>>> 9:30 - 10:59 مبادئ علم السياسه

الثلاثاءT
>>> 8:00 - 9:29 لغات الحاسب الآلي 1
>>> 9:30 - 10:59 مبادئ الاحصاء ( 1 )
>>> 1:00 - 1:59 مقدمة في البحث العلمي

الاربعاءW
>>> 8:00 - 9:29 محاسبه التكاليف ( 1 )
>>> 9:30 - 10:59 مبادئ علم السياسة
>>> 11:00 - 12:30 مبادئ الاقتصاد الكلي

وووبس ..
:sleep2:

ฑ๑๑หy.M.SH

10-01-2010, 09:48 PM

^
جدوووووووولي ماصار زي كذذذذذذذا
ما ادري ايش اللي خلاني اشيك
صاحبتي تقول مافي شي يوم الاثنين وانا اقولها الا فيه محاظره
طلعت هي مدخله رقم سي ار ان غير حقي وهي شعبها غير
هي صار عندها يوم الاثنين اووف والاربعاء بس محاظره و الثلاثاء 4 محاظرات

وانااا السسسسسبت اربع محاظرات
والاربعاء محاظرتين وبينهم بريييييك غير البريكين بالايام الثانيه
والاثنين اداوم من الساعه 1 لما 2 ونص بس

مايصصصصصصصصصير ظظظظظللللللللم
على كيفهم يختارووووون
ما احد قال لهم يحطوون اوقات بدون دكتووور
يعني حنا نضبط جدولنا على الوقت اللي نقدر عليه مو يحطون من كيييييفهم

ياربببييييييييييي

صوت الناي

10-01-2010, 10:11 PM

^^

قهررر :p

حسبي الله عليهم :lac:

انهم اشرار

ฑ๑๑หy.M.SH

10-02-2010, 04:40 PM

صوت
:
والله انهم اششششر الاشرار :rip:

ฑ๑๑หy.M.SH

10-02-2010, 04:52 PM

جدولي الجديد اللي ينرفزز }~

السبت :
8 - 9:30 | لغات الحاسب الآلي 1
9:30 - 11 | مبادئ الاحصاء ( 1 )
11 - 12:30 | مبادئ الاقتصاد الكلي
بريك نص ساعه
1 - 2:30 | مبادئ علم السياسه

الأحد :
9:30 - 11 | لغات الحاسب الآلي 1 " عملي "
11 - 12:30 | محاسبة التكاليف ( 1 )
12:30 - 2:30 | اللغه الانجليزية العلمية

الاثنين :
1 - 2:30 | مبادئ علم السياسة

الثلاثاء :
8 - 9:30 | لغات الحاسب الآلي 1
9:30 - 11 | مبادئ الاحصاء ( 1 )
بريك ساعتين
1 - 2 | مقدمة في البحث العلمي

الاربعاء :
8 - 9:30 | محاسبة التكاليف ( 1 )
بريك ساعه ونص
11 - 12:30 | مبادئ الاقتصاد الكلي

التغيير اللي صآر بالسياسة كانت يوم الاربعاء بالبريك و يوم الاثنين من الساعه 9:30 الصباح و اخلص 11
و مبادئ الاقتصاد الكلي .. غيروا اسم الدكتور اليوم الصباح !!

الفكره بالموضوع ..
اني من وقت التسجيل المبكر وهذا وقته بعد الاختبارات النهائيه بشوي
نضبط جدولنا ولما قبل لا نداوم ب اسبوع نأكد التسجيل
ف انا مررررره كنت مرتاحه بالجدول اللي حاطته وحاطته ببالي هذا اللي راح اداوم عليه
وبالدكاتره نفسهم اللي ابغاهم ..
يجون كذا فجأه قبل الدوام الاساسي بيوم ويقلبوون الجدول على بعضه !!!
مو على كييييييفهم ..
كان من الاول ماخلونا نسوي تسجيل مبدئي
وكان سووا لنا جداول بدل ما نتعب نفسنا ويحوسونها بالاخير
يعني مو ذنبنا حنا , ذنبهم هم و غلطهم كان من الاول رتبوا مع الدكاتره

مره هالشي منرفزني
والمشكله اننا من المتوقع تخرجهم ونحتاج معدل
راحتنا باالدكاتره اللي نبغاها !

الله يعدي هالسمستر على خير بس !!

ฑ๑๑หy.M.SH

10-02-2010, 05:17 PM

ثالث يوم لي بالجامعه ~
وأول يوم دوام أساسي ~

نمت على الساعه 10 تقريباً
وصحيت الساعه 1 اشوف البي بي ورجعت كملت نمت
لما الساعه 6 وربع
وانا حاطه المنبه الساعه 6 ونص
شيكت ع المسن ع اللاب لقيت شوش تسألني متى بداوم
وجلست اسولف معاها وقالت لي شيكي الجدول لان الدكاتره تغيروا

طبعا انا يكفيني مقهوره امس على حوسه الجدول
بعد يجوني يغيرون الدكتور

وهذا الدكتور مررره كوووويس مرره
واساسا هي الماده آخذها السمستر الرابع
بس انا رفعتها عشان الدكتور خفت يطلع !!
واجي اشوفهم مغيرينه لدكتوره ما ادري وش قصتها !!

المهم لما جات الساعه 7
جلست اضبط شعري وخشتي

ابوي : نورا متى بتروحين ؟
انا : دوامي 8 بطلع 7 ونص
ابوي : ماباقي شي

اختي خلصت قبلي ونزلت لان دوامها نفس وقتي
وهم بالسياره وانا توني البس ملابسي خخخخخ
حسيت اني ناسيه شي واني مرره ضايعه

ركبت السياره وفتحت جوال الجامعه اللي من كم شهر مقفل
وجالسه البس حلقاتي بالسياره
نزلنا اختي ووصلني ابووي ...

وجيت بدخل الا اكثر من 5 بنات موقفينهم عشان التنوره قصيره
وانا تنورتي هذي دايم يقولون لي نزليها و احس اني من كثر ما انزلها بتزلق !! خخخخخ
وتنانيري دخلتها الخياط وبتخلص بعد 10 ايام
واللي شريتها ماخذها عشان المقاس
وباقي عندي الجنز وماصرت احبهم

المهم شفت شوش على طووول دخلت طييران ولا شافتني
وشوي جات صقيقتي سلمت عليها
ووو جلسنا سواليف كلنا مع شوش وخويتها

اول محاظره لغات كانت بدون اسم
رحت انا وصقيقتي وجاتنا نفس الدكتوره اللي كنا مسجلين عندها بس هم مدري ليه شالوا اسمها من جدولنا
طببعا
على طوووووول مافي وقت حددت ايام الاختبارات معانا خخخخ
وطلعنا

المحاظره الثانيه كانت احصاء
وبرضو نفس الشي حددت الاختبارات وطلعنا
> طبعا بعد شرح مبسط عن المنهج

والثالثه الاقتصاد الكلي
انا مع شوش خويتي مو معاي
وهذي اللي جات مكان الدكتور
اول مادخلت مررره ماحبيتها مررررره
وشكلها من النوع اللي يقرررررق كثيييييير ..
وجلست تقول المنهج وتشرحه ونظامها كيف وكذا

بس سألت كم بنت عنها قالوا كويسه وكانوا ماخذين عندها علامات عاليه ووهيك
يعني ارتحت شوي بس للحين احس اني خايفه منها

الثالثه كان عندي سياسه
واللي ماعندي ولا اعرف ولا بنت يعني اقصد علاقتي فيها قويه او اني اسولف معاها .. لا مافي ولا احد
بس وجيه مألوفه

والدكتور صوته وااااطي ويجيب النووووووم يتكلم ويطول بالكلمه الوحده
وانا فاتحه النوت وجالسه اشخبط لما خلصنا بعد ساعه وهو بس يتكلم عن علم السياسه ! ايش يعني
افف !!

الله يستر اقتصاد وحده قرقه وتجيب النوم وبعدها واحد قرقه ويجيب النوم !!!!!!

ووووبس خلص دوامي على خير
رجعت مو مشتهيه لا آكل ولا شي

اي صح صح ..
جاتني خويتي تقول روحي للنشاط بتعطيك زي هذا
والله اني ماسكه الورقه مدري وشهي حتى ماقريت

صقيقتي تسولف لشوش : ايه قبل معطينا 50 , والحين 500
>> كانوا معطينا كوبون من جرير ب 50
انا : وشو 500 ؟ على ايش ؟
صقيقتي : ايه ماقريتي هذا شيك , حقت النشاط تقول اذا شفتي نورا قولي لها تجي عندي

خخخخخخخخخخخ
وعطونا كل وحده شيك ب 500 لأننا شاركنا بالنشاط
الله و النشاط بس ماشاركنا فيه الا لأنهم يعطونا 4 درجات
احطهم بمادتين باللي ابغاهم بس مواد دكتورات

وقتها حسيت انهم معطينا اياها وكأنهم يسكتونا على حوسه الجدول اللي صايره
بس طبعا هذولي مالهم دخل بالاداره .. هذي مشرفه نشاط مالها علاقه بالجداول... والخ

وووبس
>> مالي خلق احط فيسات للحين فيني حرره على الجامعه
وودي آكل بس مالي نفس

ฑ๑๑หy.M.SH

10-03-2010, 07:37 AM

^
امس ياحظهم المستجدات للحين ماخلصت جداولهم
قالوا لهم لا تجون الا الاثنين
حسره علينا , مداومين السبت وبندرس بهذا الاسبوع و جداولنا حوسه :lac:

والظاهر دراستهم بتصير بالانقلش
للدفعه الجديده
يعني بتكون غير عننا :whistling:

ฑ๑๑หy.M.SH

10-03-2010, 06:29 PM

موقف }~

ذكرت موقف امس ..
صديقتي جننتني تدور دكتوره ماده الدين عشان تغير شعبتها ومالقتها
راحت للدكتوره الثانيه

صاحبتي : ماشفتي دكتوره ***
الدكتوره : لا والله انا بدي اياها
صاحبتي : طيب دقي عليها
الدكتوره : فاضيتلك انااا :eyebrow:
صاحبتي : ههههههههههههههه :lol::lol:

انا لصقيقتي : خخخخخخخ وش تبييييين وش هالميانه :yikes:
صاحبتي : ههههههههههه وش اسوي فيها هي تقول تبغاها بعد :lol:

ฑ๑๑หy.M.SH

10-03-2010, 06:42 PM

رابع يوم }~

امس نمت الساعه 11 وصحيت على الـ 5 ونص
ودوامي الساعه 9 ونص

فجلست من خمس ونص لما وقت الدوام
ويعني شي أكيييييد مره اول محاضره ماعندنا شي عندنا لغات عملي تونا مابدينا
وامس بالاعلانات حاطين ان العملي ماراح يبدا الا الاسبوع اللي بعده

واقول لصديقتي تقول لا
عاد يوم داومنا اليوم طبعا اول محاضره ولا شي اصلا حتى ماجات الدكتوره

انا : شفتي قلللللت لك :lac::poorfool:
صاحبتي : وش دراني انا ماقريت العملي احسب المعااامل !!
انا : لا واللللله وش اقول انا امسس :thmbdn:
صاحبتي : شدعوه اللي يسمعك يقووول انا مصحيتك
انا : ايه خخخخخ انا صحيتك :LSHIC:
صاحبتي : لو كذا كان كملت نووم :lac:
انا : وش اسوي صاحيه من بدري ولبست وجهزت يلا وش نسوي بالبيت
> خخخخ لو نايمه اصرف
صاحبتي : اصلا مافي احد يوديني ... الخ الخ

واول محاضره وما اخذنا شي
وثاني محاضره محاسبه اففففف على طول عطتنا لا وتعطينا تعريف تقول احفظوه بسمعه الحين :poorfool:
> مجربتها انا قبل مو شينه الدكتوره بس اعععع ماكان ببالي اننا بندرس
بس طبعا عطتنا تعريف واهداف جزء بسيط يعني
واخر محاضره انقلش والكلاس مررررره زحممممممه وحرررررررر :ill::sick:
اساسا الانقلش ساعتين .. دخلت علينا خمس دقايق قالت موعد الاختبارات وطلعت خخخخخخخ

ورجعت البيت على الساعه 1
اي صح رحت للنشاط قبل راح يسوون يوم وطني بالجامعه :shrug:

موقف }~

وحده من البنات كانت واقفه بالكافيتيريا وحنا واقفين بعد مافي كراسي :poorfool:
هي تسولف لي السالفه
تقول يمممممه توني اتشكى اقووول ليت في احد يجي يجيب لي كررسي اي شي ابيه الاقيه
وشوووي وحده من حقات الكافيتيريا تجيب لها كرسي :LSHIC:
سووووووبحان الله
وهي تقول هاها وش اقول بعد يمكن يجيني الحين
عاد قالوا لها البنات لو انك طاريه مليوون :lol::lol:!!!

/
|

كانت في بنت لابسه تنوره زي هذا اللــون
المهم قلت انا وش فيه عادي , السنه الجايه لابسته تهته

وفجأه .. كااااااكككككككك اضحك على نفسي :34:
انا لصديقتي : ههههههههه السنه الجايه لابسته :lol::lol::34:
صديقتي : هههههه والله تأثير النووووووم , احسبك تقولين السنه الجايه بتلبسينه انتي :lol:

زليخه

10-03-2010, 11:37 PM

الاثنين :
1 - 2:30 | مبادئ علم السياسة

وش يبون فيكم تداومون بها اليوم الغبي لوحده لا وطلعه بعز الحر الله يكون بالعون بس

والدكتور صوته وااااطي ويجيب النووووووم يتكلم ويطول بالكلمه الوحده
وانا فاتحه النوت وجالسه اشخبط لما خلصنا بعد ساعه وهو بس يتكلم عن علم السياسه ! ايش يعني
افف

عجبني انه صوته واطي بس فكرتيني لما كنت بالكليه لما كان الدكتور يدخل القاعه مايتكلم بالمايك ونحن نقول اتكلم فيه يقوم يعاند ولا يتكلم يقول ازا عايزين تسمعو اسكتو

"..روح الخبر.."

10-04-2010, 10:43 AM

كانت في بنت لابسه تنوره زي هذا اللــون
المهم قلت انا وش فيه عادي , السنه الجايه لابسته تهته

مع تيشيرت ابيض صح ؟؟!!

لالالالالالالالالالالالالالالالا انا شفتها هناك
رحت زياره للصديقتي ودجيت وكل اللي يسالني اقول لهم اني مستجده :naughty:
لو دريت و ثبت كان اتفقت معك وشفتك بس احتمال اروح يوم الاربعاء <<ادري انها مو شبعه بس بامر صديقتي واوديها لان راحت عليها نومه ..

وانا المفروض اكون ثاني سنه بالجامعه بس قدر الله وماشاء فعل .............

اذا ودك نتقابل خبريني ""ترى انا رحت >دراسات تطبيقيه وخدمه المجتمع ""

وحست بكل المباني للي قدامي حتى المبنى الجديد <<ياحبك للقافه يالدجه ..

ฑ๑๑หy.M.SH

10-04-2010, 11:34 AM

زليخه ..
:
والله شوفي اليوم بحضر بشعبتي ولما اخلص
بقول للدكتور احضر بشعبه الثلاثاء مع صديقتي عشان عندي بريك ساعتين !!
ويصير الاثنين عندي اوووف ..!
بحاول اليوم و ان شاء الله يوافق ..!!
مع اني لو سويت هالحركه يصير عندي السبت و الثلاثاء 4 محاضرات :eyebrow:!!

هههههه حنا كيف ..
ندخل الكلاس ونطفي النور ويكون هو معانا بالكلاس مافي مايك وكذا بس تكون جالسه معانا مشرفه
ويصير القزاز اللي قدامنا عاكس حنا نشوف هو مايشوف يعني مسكر عليه :idiot:

روح
:
هههههههههههه مادري هي لابسه تي شيرت ولا قميص ابيض مادققت صراحه :idiot:
ماشفتيني ؟ لابسه تي شيرت اصفر معاي وحده لابسه اخضر :idiot:؟ > قولي واللللله
عاد الجامعه هذي اليومين مع المستجدات ززززززحممممممماه

مممم ما اوعدك بس اشوف :shrug:

"..روح الخبر.."

10-04-2010, 12:59 PM

اللي لابسه اخضر صابغه شعرها ؟؟ وانتي اطول منها صح ؟؟!!

لا عادي اصلن انا باقي ما ادري اذا بروح او لا...

طيب انتي ماشفتيني لابسه تيشيرت اسود و صديقتي اللي معاي ازرق كاروهات ؟؟

ฑ๑๑หy.M.SH

10-04-2010, 03:30 PM

روح
:
ههههههههههههههه
لا مو حنا :sweatdrop:
مو صابغه شعرها وطولنا تقريبا نفس الشي مو طوال :tongueP:

ولا شفتك لاني ما ادقق بالبنات :sweatdrop:

"..روح الخبر.."

10-04-2010, 11:57 PM

حصل خير ياقلبي بس الله يعينكم على >>نزلي التنوره ......"مدري وين يبوني اوديها" جنوني

ฑ๑๑หy.M.SH

10-05-2010, 12:27 PM

^
ههههههههههههههههههههههه
ههههههههه

دايم يقولونها لي وعصصبت كتبت البي بي :
خليهم يقولون نزلي التنوره بطلع لهم الفوشي خخخخخخخخخخخخخ
من جد يقهروووووووون

عاد في وحده جديده احس اني بحط حرتي فيها
اول مره قلت لها توني كنت داخل !! بما معناه ان عادي ماقالوا شي
قالت لا نزليها

واليوم بعد قابلتها مع خشتها تقول نزليها :p

طبعا التنانير الاسترتش > اتوقع كذا تنكتب ممنوعه
المهم انا من بنات النشاط وهي معاها مكتب اللي توقعهم تعهدات
جايين بنات يوقعون
وجات بنت تصصصصرخ وشوي وتصيح خلالاص
تقول انا امسسسس مانمت بالليل ولدي مانام الا الفجر
واليوم مداومه وتبغون تخلوني ارجع البيييييت لااااا ايش هذذذا
وانا هذي التنوره من العام اداوم فيها ما احد قال لي شي
وانا تاركه ولدين وجايه الجامعه الخ الخ الخ

خخخخخخخخخ قسم حسيت اني اشوف مسلسل قدامي :tongueP:
مسكينه كسرت خاطري بتصيح حدها

ฑ๑๑หy.M.SH

10-05-2010, 03:47 PM

امس الاثنين ..
دوامي كان من 1 الى 2 ونص
وكان لازم اطلع الساعه 11 لان عندي نشاط

بس وقتها صحيت على الساعه 9
وعلى ونص شي زي كذا دقت مشرفه النشاط تقول الموقع اللي ارسلته لها مايفتح
وانو قبل لا تجين اطبعي العملات > العملات السعوديه القديمه عشان اليوم الوطني :p

المهم طبعتها وخلصت ..
وجاني وجع ببطني :lac:
دقيت على صديقتي قالت مو لازم تروحين 11 روحي 12

دقيت عليها ولا ردت
وقلت لابوي 12 بروح

واشوا ردت وقالت استناك خلاص
المهم اخذت بنادول وخف شوي ورحت

خلصت شغلي معاها وقالت البسوا اخضر بكرا :LSHIC:

ورحت لمحاضرتي اللي كنت ناويه اغير شعبتي واكلم الدكتور
اشوا اليوم لما جلست جات بنت كنت اعرفها بالسمستر اللي فات وجلست جنبي وجلسنا نسولف :thumbup:
وقبل لا تجي المشرفه

البنت : سكروا النور !
انا لبنت وراي : اذا سمحتي ممكن تسكرين النور
بعدين استوعبت .. صار النور مسكر :poorfool:
البنت : لا عشان الباب

المهم ان الدكتور دخل
ولما رفع عينه نزلها بسرعه

انا للبنت : خخخخخخخخخخ شكله يشووف نزل عليه
البنت : اييه اتوقع :poorfool:

الدكتور: اذا ممكن وحده من البنات تسكر الباب :read:
واذا ممكن وحده توزع الورق تبع المنهج

هههههههههه ي اني ضحكت لما قال سكروا الباب :LSHIC:

وخلصنا محاضره وكلمته لو اقدر اغير
الزبده كلها قال لو ان محاضراتك كلها مع شعبه وحده احسن من انك تحضرين محاضره وحده بشعبه والثانيه بشعبه
بتنحاسون بالدراسه وكذا ولا هو ماعنده مشكله
بس قلت خلاص بجلس بشعبتي
المهم وحنا نسولف معاه

انا للبنت : الباب مفتوح شكله يشوف :whistling:
البنت : خليه يشوف مايركز :lac::poorfool:

خخخخخخخ
والله وهو يسولف شوي يطالع جهتنا وشوي الجهه الثانيه لان البنات طلعوا :LSHIC:

بس نكككككته صراحه لما قال سكروا الباب :LSHIC:

ฑ๑๑หy.M.SH

10-05-2010, 04:02 PM

اليوم الثلاثاء ..
امس جوالي خرب .. فما عندي منبه ولا قلت لاحد يصحيني
وماعرفت انام زين من الوجع :ill:
وكل شوي اصحى الفجر وانام شوي واصحى

لما صحيت فجأه الساعه 7
وانقزززز بسرعه اغسل خشتي والبس :poorfool:

انا لشغالتنا: ليه ماصحيتيني 6 ونص :poorfool:
شغالتنا : ماقلتي

المهم ان ابوي راح يوصل اختي ورجع اخذني ورحت للجامعه
على جوفريز عند صديقاتي سولفنا شوي ورحت للكلاس مع خويتي
الا نسمع بنات يسولفون ..

---: غيروا اسم الدكتوره انا شفت ...الخ
والتفت على البنت
انا : ايش ؟ شلون ؟
--- : مادري شفت الجدول اللي برا
انا : ايييه مادري ايش سالفته اشوف بنات يطالعون بالورقه
--- : ايوه لقيت اسمها تغيرت واللي كانت بتعطينا اسمها مو موجود بالجدول الكبير وانا ارتحت لها

وفجأه تدخل لنا دكتوره جديده :barret:
قسم الجامعه هالسمستر لاعبين بحسبتنا :lac:
هذي جايه من جامعه الامير محمد
واشوا مادرستنا بس عطتنا مقدمه عن المنهج وسولفنا معاها شوي
على قولتها مدرسه بالانقلش 3 سنوات اول مره تدرس بالعربي وتقول هاه ماتبغون بالانقلش
والبنات معندين لا :LSHIC:
يمكنها اردنيه او لبنانيه شي زي كذا

وبعدين كان عندنا كلاس احصاء
بس قبلها لما طلعنا من المحاضره الاولى صار في وقت وما اشتهيت افطر ولا اشرب شي حتى بالبيت اكلت اقل من ربع كروسان وعصير ليمون :sick:

رحت اكلم دكتوره البحث لان بعد الاحصاء عندي بريك ساعتين وبعدين ساعه بحث :lac:

انا لصديقتي : تروحين معاي نسألها لو عندنا شي ولالا
صديقتي : ايه يلا نروح مكتب السودانيين :vertag:

خخخخخخخ الله يرجها من جامعه مدري مين مسميه بهالاسم
صديقتي مره تدور االلي تدرس ماده دين قالوا لها روحي مكتب السودانيين يمكن تلاقينها :poorfool::poorfool: !!!

ومالقيناها وجلسنا شوي الا نشوفها توها جايه :thumbup:
واشوا كلمتها قالت مافي لا حضور ولا شي بس بتتكلم عن المنهج وكذا:clap3::clap3:
قلت لها عشان المواصلات وكذا ماراح احضر اليوم من الاسبوع الجاي يعني ان شاء الله
وقالت طيب وانا لا مواصلات ولا شي بس مالي خلق اجلس ماننمت زين ومشوار اجلس عشان سخافه :p

وفككككككه

ورحنا للاحصاء ودرسنا طبعا
وبعدين مريت على النشاط

المشرفه : هلا بالسعوديه
انا : :poorfool:؟
المشرفه : لا بس اليوم انتي سعوديه
> خخخخخ لاني لابسه تي شيرت اخضر
انا : ههههه انا بطلع
المشرفه : طيب مع السلامه
انا : خخخخخخخ لا بس اقولك اني بطلع :lac:
المشرفه : ايه خلاص :innocent:
خخخخخخخخخ

دقيت على ابوي ورجعت البيت
وصديقتي كان باقي لها محاضره وخلصتها وسحبت على البحث بعد :p

"..روح الخبر.."

10-05-2010, 11:03 PM

خخخخخخخخخخخخخخخخ تصدقين لبرهه شكيت بجنسيتك خخخخخخخخخخخخخخ بسم الله عليك طبعا ..

يالله ياقلبي بالتوفيق انشالله

ฑ๑๑หy.M.SH

10-07-2010, 09:55 AM

امس الاربعاء ..

دوامي من 8 ..
المهم وصلت الجامعه بس هالمره مدري ليه لبست قميص
جيت بدخل

الأمن : :sneaky2:تعالي تعالي نزلي التنوره
انا : طيب :mushy:
الأمن : بعد نزليها :lac:
انا : كذا زين خلاص

المهم وحطيت الشنطه على كتفي ويرتفع القميص :LSHIC:

الامن : تعاااااالي تعااااااالي :new_shocked:
انا : ههههه :mushy:
الامن : مفتوح السحاب صح :sneaky2:
انا : لا والله مو مفتوووح :nono2:
الامن : ليش كذا مررره نازله
> تكفيييييين والله تقولين نزليها وبعدين كيف كذا نازله :lac::sneaky2:
وزياده على كذا نازل وزني خخخخخخخ
ماراح اقول لكم وش اللون خخخخخ
انا : والله التنانير بالخياط اخر يوم بداوم و اليوم الاربعاء والله شوفي مو قصيره مره :nono2:
الامن : خلاص بس لا تداومين فيها مره ثانيه :lac:
> يعني معليييييش طول الاسبوع مداومه فيها حبكت على يوم الاربعاء :sneaky2::lac:

وقسسسسم عاد انا من جد جايه الجامعه وعيوني منفخه وحالتي حاله مالي خلق شي
ومن بعدها جلست داخل قلت مابي اطلع لمبنى ثاني وتمسكني وانا باقي لي محاضره ماتسوى علي :idiot:

المهم رحت على الكلاس على طول وادق على خويتي ماترد
قلت شكلها مضيعه راحت الكلاس الثاني ..
دخلت الدكتوره وقالت بنت ان في بنات هناك ملخبطين
وتجي الاخت وتجلس قدام وانا جالسه ورا :idiot:

وانا شايله همها الحين بتشيل همي بتقول اني ماجيت
ولما قالت الدكتوره الاسامي التفت علي ورا وضحك :clap3:

خلصنا محاضره هي خلص دوامها
وانا جلست بريك ساعه ونصصصص قسم انقررررفت طبعا ما اعرف احد شلتي كلها مو موجوده
فقلت المره الجايه برجع البيت ولا اجلس كذا موسوسه وفيني النوم بعد !!

لما جات 10 ونص وصلت شوش وصار عندنا اقتصاد
حضرنا المحاضره وهي تملينا الدرس

الدكتوره : وتتمسل في
بنت : دكتوره وتتمسل ايش :read:؟
انا وشوش : هههههههههههههههههه
شوش : تتمثــل
الدكتوره : دا اللغه العربيه عندنا وعندكو ...._ مدري وش قالت _ الزبده انها حوسه يعني

ولما خلصنا رحنا قلنا لها عادي 3 يسوون بحث لان مانعرف احد

الدكتوره : طب إتعررفي
شوش : لا حنا الثلاثه
الدكتوره : لا ماينفعش
انا : طيب خلاص انا بسويه لحالي عادي :mushy: ؟ ما ابغى ارتبط مع بنت
الدكتوره : لهذي الدرقه طيب مووش مشكله تلاته
:clap3::clap3:

ووووبس عن نفسي رجعت البيت وشوش كان باقي لها محاضره :idiot:

غمزة شقاوه

10-09-2010, 06:55 PM

<<<متابعه :lolipop:

عساك ع القوووه:thmbup:

زليخه

10-09-2010, 07:11 PM

وش حكايتهم مع التنانير

حنا كانو على البلايز اللي تشمر يمرون جمبها يقولولها الكم الله يجزاك الخير

ولا الخلخال لما يلبسونه البنات يتعمدون يمشون بالسيب ومافيه احد

تجي تقلها تفكينه بنفسك ولا نقطعه حنا لك:busted_cop:

الحمدالله ماقد خالفت الا مره لبست تيشرت وعليه صورة 3 قطوات تجنن

مسكتني استاذة الفقه من اخر السيب تنادي يااااااااااااااغااااااااااامدي

وانا مسويه روحي مو انا اللي تناديها

وشوزي الا هي عندي تقول دراسات ولابسه قطاوي

...................

ومن بعدها شوي تناديني لطيفه مدري حيبه الا هند....قلت قولي الغامدي ماتسوى علي اختراعات الاسماء هذي

ฑ๑๑หy.M.SH

10-09-2010, 07:20 PM

اليوم السبت ..
صحيت على الساعه 6 تقريبا ..
وممممم كان شعري بعد حفله امس خخخخ :shrug:
ضبطته شوي طبعا شلت الحشوات وكذا
وووو حطيت ميك ابك ع الخفيف

وبديت معاناه مع التنوره ..
لبست تنوره سودآ غير اللي تهزأت عشانها
بس حسيتها ماسكه على جسمي يعني هي ماسكه من فوق وواسعه من تحت
ومحتاره اروح فيها ولالا واخاف يطردوني للبيت واليوم 4 محاضرات مو هينه :34::shutup:

وادق على صديقتي واقولها مع انها تقول دامك جايه فيها السمستر اللي قبل عادي
بس انا اخاف من النشبه الأمن على مزاجهم:thmbdn:

المهم جلست افكر ايش اسوي خلاص مافي وقت لازم اطلع
ولقيت تنانيري الجنز :60:

لبقت عمري وطلعت للجامعه
جلسنا نسولف لشوش عن حفله امس هي امها راضيه بس هي ماتبغى على قولتها ماتحب هالجو :eyebrow:

ووبعدين كان عندنا لغات بدينا معاها الدكتوره الجديده مره شكلها حليوه يعني
وكان حلو الدرس سريع ومختصر وكذا ..

وووعلى جوفريز شربنا عصير ليمون بالنعناع
هذا اللي لازم نشتريه بالجامعه غالبا :lol:

ممم بعدين كان عندنا احصاء
كنت ناويه اكمل اكتب بالرصاص بس صراحه تعب بجلس اعيد المحاضره الاولى وكلها رسمات فكيف بعيد محاضرتين
وبديت على طول حبرت

هممم بعدين صار عندي اقتصاد وتهزأنا تقول نايمين مرره :thmbdn::thmbdn:
بس برضو المحاضره حسيتها خفيفه

مع ان طول الوقت فيني النوم مانمت زين

واخر شي كان عندي بريك نص ساعه رحت اسولف مع تهته وجلسنا نقرر ننظم اوقاتنا ووهيك
وسولفنا شوي عن امس .. هي ابوها مارضى تجي بس امها موافقه :shutup:

وبعدين حضرت السياسه
وطلعت ع البيت !!

همممممم ..
ماصار لنا موقف معين حتى اقوله
والظاهر ببدا اكتب بس المواقف اللي تحتاج اكتبها
لان برجع اكتب كل مره محاضرات كل يوم وهي نفس الكلام :shrug:

صوت الناي

10-09-2010, 10:46 PM

:Peace:

وش قلتوا عني >>> برا يالمهمه

هههههههه خساره ليت تهته جت >> اذا هي تهته الي بالي بالك
كان بيني وبينها رسايل واستهبال :LSHIC: ..

موفقه يارب :thumbup:

تاجر الكتروني

10-10-2010, 09:05 PM

نايس نايس نايس << دعاية حفايض موني :clap3:

متابع بصمت من فتره ..

ฑ๑๑หy.M.SH

10-10-2010, 10:40 PM

اليوم الأحد ..

أول محاضره كانت لغات عملي ..
وما اخذنا شي بس عرفتنا كيف راح نبدا معاها وكذا
وقالت تقسموا مجموعات
قطينا انا وصديقتي وجهنا على 3 بنات وقلنا لهم بنصير معاكم :sweatdrop:

وبعدين طلعنا نفطر شبس و فيمتو > جوووكم بس :tongueP:
اول شي جلسنا بين المدخلين الداخلي والخارجي وقالوا لنا الامن ممنوع تجلسون هنا :bruce_h4h:

وجلسنا على الارض بالكافيتيريا من الززززحمه مافي مكان
ووووبعدين كان عندنا محاسبه
واخر شي انقلش

رحنا للكلاس .. ايش حررررررر
والكلاس ززززززززززحمه بنات وكتتتتتمه
التكييف بالجامعه خربآن
وانا اقول لصديقتي احس ان جاتني كتمه
تقول لا تطيحين علي :movingtongue:

ولما جات قالت لهم يغيرون لنا الكلاس
وطلعنا كلنا للكلاس الثاني صار فيه محاضره
وعصصصبت هي ونقلونا كلاس ثالث
كبر اللي قبل يعني صغير وهو اساسا معمل وبرضو حررر
وكتممممه والبنات زحمه
وهي هزأت بنات الشعب الثانيه وقالت لا احد يغير شعبته
وشرحت الله و الشررح اللي عليها بس خخخخ
لو انها ماشرحت اصرف !!
تسولف مع نفسها :bruce_h4h:

هي بس تبغى تكره البنات فيها وماتبغى احد تدرسه
مدري صراحه ليه جالسه بهالجامعه دام نفسها كذا بخشمها وحالتها حاله :sweatdrop:

المهم ان حسيت بكتمه مو طبيعيه وماصدقت خلصنا
هي ساعتين وخلصنا بساعه نص ساعه راحت على الحوسه اللي صارت
دقيت على ابوي ورجعت البيت

قبلها كنت جالسه مع صقيقتي نسولف

انا: ابغى شبس
صقيقتي : لا بنرجع نتغدا الحين
انا : يووه طيب :confused:

وجلسنا نسولف عن الاكل تقول كان غداهم صالونه بدون رز ابيض ووقتها كانت جوعانه بس اليوم ماتدري ايش
وانا اقولها مادري ايش غدانا بس احس كبسه او دجاج كودو

وعاد اقولها نتيجه التحليل صار مافي فقر دم
بس امي تقول عطاني مقويات فيتامينات
وان اليوم ابوي الصباح يقول لي فاتح شهيه
وانا منقهره عليهم ليه يلعبون علي
صقيقتي : هههههه الله يستر لا تاكلينا
انا : لا مابي اكلها بعدين اسمن :sweatdrop:

عاد يوم رجعت البيت سألت وش غدانا طلع صالونه وجلست اضحك وقلت لصديقتي
وهي تقول طلع غداهم كبسه
هههههههههههههه
:movingtongue::movingtongue:

الجامعه صايره مره متشددين
يعني قبل يسلكون على التنانير الحين لاء
قصيره فوق الكعب > اسمه كعب اللي بالرجل ؟
المهم ممنوع
و تنانير ماسكه على الجسم ممنوع :sweatdrop:
وو قميص يشف على الخفيف ممنوع :sweatdrop:

اليوم اشوف الامن تمسك بنات اذا لابسه قميص بدون بدي تحته :punch:
خخخخخخ
طبعا تي شيرت ممنوع لازم3 ارباع او شي زي كذا بس الكل دايم يلبسون فوقه شي ولين دخلوا فسخوه بس برضو تجي الامن وتقولها البسي
والعبايه برضو ممنوع داخل الجامعه
وبرضو النظاره الشمسيه داخل الجامعه :tongueP:

والله اني صرت اخاف اروح الجامعه ويشوتوني مع الباب :sweatdrop:

ฑ๑๑หy.M.SH

10-11-2010, 01:19 PM

الاثنين ..

صحيت على الساعه 9 تقريبا ..
هممم ابوي قبل شوي جاب تنانيري من الخياط
الاولى كنت ابغاه يفكها يعني يطولها ولا سوا فيها شي
الثانيه عجبتني بس وسيعه
الثالثه ماسوا لها بطانه يعني اتوقع تصير شفافه مع الشمس :sweatdrop:
واللي اخذ قياسها منعفسه فوق تحت

خخخخخ مدري ايش اسوي ..
قلت ارجع بعد الجامعه واقول لامي على التنانير البلشه
احس الخياط بيعصب بيقول هذي مقاساتها اللي معطتني :sweatdrop:

تو خويتي داقه تقول ماجيتي جالسه لحالها تحس انها ضايعه
مع ان هي محاضرتها 12 ونص نظام اقتصادي
وانا الساعه 1 سياسه
مانتقابل الا بعد المحاضره ونطلع للبيت :sweatdrop: !

هممممم ..!
يارب يطلعنا بدري :sweatdrop:
بس قرقه قرقه وصوته واطي ومدري وش نحفظ
يارب اتذكر واقوله ان الاصدار السادس مو فيه مافي الا السابع :innocent:

يلا برب احط اغراضي وامشي

صوت الناي

10-11-2010, 07:26 PM

:sweatdrop: وش فيهم على اللبس

حتى اختي نفس الشي يمسكون البنات

قبل امس ما سكينهم من عند الباب وخذوا بطاقاتهم وقالوا ما فيه دخله على الجامعه دقوا على اهلكم يجون ياخذونكم :confused:

قامت دقت على امي قالت جيبوا لي تنوره :sweatdrop:

عاد اختي ضعفانه عن العام وتنورتها حقت بداية السنه العام لقتها امي وجابتها لها ، ياطالع شكلها توووحفه ههههههههههه
المهم لبستها ودخلت ، وبس رجعت ودت تنورتها عند الخياط وفكّ لها الخياطة اللي تحت وصارت اطول شوي من قبل وتقول ما ادري وش يبونا نلبس :elvis:
وبعد تقول فيه بنات لابسسين تنانير وبس طالع الكعب يعني شوي من الشراب طالع قالت لهم قصير :bruce_h4h:

اقول مالت على انظمتنا بس الناس وصلت للمريخ واحنا للحين يفتشون على القصير والطويل :sweatdrop:....

صوت الناي

10-11-2010, 07:26 PM

اووه نسيت اسألك

قلتي للدكتور عن اصدار الكتاب :sweatdrop:

ฑ๑๑หy.M.SH

10-12-2010, 12:16 PM

^
اهللن تاجر .. حيآك

صوت ايه قلت له قال ماتفرق وذاك اليوم يقول تفرق
والبنات يقولون لافينه بالعبيكان مع ان السواق راح يسأل وقال مافيه :poorfool:

على التشديد اليوم طلعوا بطلعه جديده
مريت على النشاط ابي اشوف ايش عندنا
واشوف بنات ماسكينهم عشان طالعين مع سواق واحد
وهذا ممنوع خخخخخخخخخخ لازم تصاريح :poorfool:

ฑ๑๑หy.M.SH

10-12-2010, 12:24 PM

الاثنين ..
بس حضرت السياسه لما دخلت علينا المراقبه تقول تدرون يابنات ان الباب لو كان مفتوح الدكتور يشوف
احرصوا ان الباب مايكون مفتوح لما تدخلون
خخخخخخ يارب ان الدكتور شافنا اول محاضره :p

اليوم الثلوث ..
اول شي كان عندنا لغات حل تمارين معاها
والله تونست احسها حلوه بس يبغى لها تركيز
طلعت ع السبوره احل مسأله :innocent:
ووبعدين كل شوي تقول الكتاب خطأ الكتاب خطأ
مدري ليه مخليتنا نشتري الكتاب .. قلنا لبنت نبغى نصور دفترها لان ما كتبنا الحل
بس هو موجود بالكتاب وخطأ
ولما رحنا للتصوير قالت ما تصور دفاتر
و ي حياتي البنت تقول بصور لكم بالبيت واجيبها

الشي الثاني ..
قلت للتصوير هذي ابغى ملزمه انقلش
وهي تصرخ على البنات وححححححححده وححححححححححده :barret:
قسسسسم اني خفففففت

انا : ملمزمه انقلش
هي : علمي ولا عام :barret:
انا : علمي
هي : اسمك
انا : فلانه ابغى 2
هي : الثانيه اسمها اييييه :barret:
انا : فلالالالالالالالالانه
هي : هااتي 50 ريال :barret:

يوووووووومممممممما
قسسسسسم اني خفت هذا وملزمه وحده باقي لي ملازم السياسه و الاقتصاد مدري شلون اكلمها
عليها نفسسسسسسيه مو طبيعيه :poorfool:
وقبلها بنت قالت والله غباااء عندي فكه
هي : ميييين الغبااااء ؟ :barret:
البنت : لالا انا الغباء اقصد نفسي
خخخخخخخخخخخ مسكينه البنت تخرعت

شرينا عصير تفاح ابوو طووووووط شكله يضحك
وباونتي وشبس تسالي :p

بعدين حضرنا احصاء وانا متفاهمه مع ابوي ان عندي بريك ساعتين ابغى اطلع
مريت على النشاط وقالت لنا ايش نسوي لها جداول ما اعرف ايش
والحين رجعت للبيت
وماااااااافي غدااااااااااا

انا مسسسسسكينه مدري ايش اكل والله
بطني يطلع اصوات من الجوووع
شغالتنا رايحه مع اختي مجمع الظهران من الصبح
على قوله اختي بتفطر مع صديقتها و تتغدا بعد
وانا هنا بالبيت لحالي لا غدا ولاهم يحزنون

والساعه 1 الا ربع برجع للجامعه عشان محاضره مدتها ساعه :poorfool::poorfool:

جالسه اكل في الباونتي وبسوي جدول النشاط و افتك

"..روح الخبر.."

10-14-2010, 04:13 AM

امممممممممممممممممم الله يوفقك يارب وايدا كلووو ايدا كلوووو لو انا بالقمعه كان اتشلحت من بدري يختي ايه دا مافيش تيشيرتات مافيش شفاف وانا اعمل ايه .. وه الله يخلي اللهجه السعوووديه بس احس اني تعبت..

اوووووووووووما على كذا لو انا بالجامعه صدقيني انطرد من بدري ..
يرحم امك ماعندي الا تنورتين طويله وحده جينز ووحده سوداء بسسسسس وكم طويل او ثلاث ارباع ماعندي ماعندي الا تيشيرتات ..

لما جيتكم الجامعه لقافه صديقتي جابت لي تنورتها السوداء لان تنورت تقول ماتنفع "يمكن عشانها ضيقه!!" والفنينه لبست تيشيرت ومن تحته شي اسود كمه طويل شفاف <<فهمت ترى ماعرف اشرح هالخرابيط ..

وفوق هالاحتشام نزلوا لي التنورره ؟؟!!

عشان كذا صدقيييييييييييييني لو سجلت بالجامعه مابهتم بشي اسمه تنانير بالبس اللي عند هالثنتين وبس بلا كشخه بلا خخرابيط بلا هم يحزنون ..اما اشتري تنانير طويله عشان البسهم بالجامعه بس!! وش احس فيييييييييه؟؟!!

ربي يعينك عليهم بس والله انهم يخوفووووون

ومايجي معها صاحبه النشاط مدري البحث الا كذا زين انك تصرفتي وقلتي لها انك بتسوينه بروحك بس ردها ضحكني "ايه دا لدرقه دي " خخخخخخخخخخخخخخخخخخخخخخخخ

والغدا لو بغيتي خبريني اجي اتغدى معك صايره اطفش بررروحي حتى انا ^ـ^

كملي يالغلا نحن هنا ...............................

بــيالهـ شاهــي

10-14-2010, 08:45 AM

طالبه في كلية الدراسات التطبيقيه وخدمه المجتمع - جامعة الملك فيصل

هههههههههههههههه

أنا أقول حر وزحمهـ وأمن معقدهـ وما فيهـ محل بالكافتيريا .. حسيت قبل ما أقرأ بداية موضووعك إنها جامعتنا هع ..

حاطهـ لك يوميات .. حطي مأسي مو يوميات :shutup:

واللغات حلوه .؟ أمدا تعطيكم تمارين .. ما عطتنا شي :shutup:

>> إستأنست عليك ياويلك هع ..

تقبلي زحمتي هههههههه .. ^^

:clap2:

صوت الناي

10-19-2010, 03:22 PM

وحشتنا يومياتك يا سُكّرهـ، :heart:

يارب يزين النت عندك بأقرب وقت ..:angel2:

~*snureta*~

10-19-2010, 09:32 PM

ـآيه من جد فقدنـآك !

:heart:

حلوة المبسم

10-22-2010, 09:39 PM

بصرااحه لما قريت الموضوع تذكرت أيآم حلوة من الجأمعه بس حمد لله تخرجت وارتحت بلا أختبارات بلاهم وبلا ملعنة ضابطات الأمن والقرف ..

تشكرات ياعسل ع اليوميات من جد فكرتني بأيام لاتنسى .. :thumbup: ودعواتي لك بالتوفيق وعقبال ماتكملين البكآلوريوس والمآجستير

كنت هنا .. حلوة المبسم ..

"..روح الخبر.."

10-23-2010, 06:32 AM

:lac:ياربي متى بترجعين فقدناك ‏

تاجر الكتروني

10-24-2010, 08:42 PM

مرااااحب

وينك انتي مكبرة راسك علينا ؟؟؟!!!

نوت:
ترا رديت عشان اسدح الرد 500 بصفحتك :tongueP:
واوريك انك مو احسن مني :tongueP:

ฑ๑๑หy.M.SH

11-09-2010, 12:22 AM

من المواقف اللي صارت ..
ان لما يكون عندنا محاضره مع دكتوره في كلاس ممكن يدخل فيه دكتور
نتفاجأه وحنا بنص المحاضره دكتور داخل بالغلط خخخخخخخ
طبعا والنور مفتوح بسرعه يطلع
ومره برضو دخل هندي :LSHIC::LSHIC:
بس ايش يسوي مدري خذ شي وطلع الظاهر !!!

صار لي موقف انا ي بنت النشاط
كان في حفل المستجدات يوم الاثنين
وانا عندي اختبار الساعه 1
قلت للمشرفه يمكن ما اجي بس بحاول وهي تقول حاولي
المهم نفس اليوم تعبت وبطني يوجعني مافيني حيل اوقف
قلت لخويتي مابروح
وهي حز بنفسها ان هي بتروح لحالها
وتحاول فيني اجي
واقولها ما اقدر بطني يوجعني
جلست شوي واخذت بنادول
ودقيت على المشرفه بعتذر بس ماردت
لما جات الساعه 11 ونص قلت حرام بروح لخويتي هي قالت لي حاولي وكذا
ماله داعي اسحب عليها وهي عندها محاضره الساعه 12 ونص
والله ولبست قميص ابيض وحطيت شعار النشاط
ولما جيت اطلع حسيت شكلي بايخ لاني رافعه شعري فبطلت وبدلت لبست تي شيرت وطلعت

ولما وصلت الجامعه
اشوف باب القاعه الكبيره مسكر
قلت بنفسي يووه مابدا الحفل شكلهم يرتبون
والمهم مشيت بروح من الباب الجانبي حق القاعه وبدخل
الا الباب اللي قدام خشتي ينفتح
واشوف بنات
واشوف البروجكتر قدامي مكتوب فيه ::

"" وفي الختـــآآم ""
:new_shocked::new_shocked::new_shocked:

انااااااا مو بسسسس انققققققققهرررررررت :sneaky2: !!
قلت ليتني جالسه بالبيت وجايه وقت اختباري
دخلت شفت خويتي وقالت لي احسن خخخخخخ:lac:
جلست معاها نص ساعه ونص ساعه راجعت واختبرت ورجعت البيت

اي اي الدكتور تبع السياسه يضحك على اجاباتنا
يقول هو مسوي له دفتر يكتب فيه النوادر مدري شي زي كذا
يعني الاشياء اللي تضحك يسجلها عنده بدفتر
صراحه قال اشياء تضحك بس ما اذكر وشهي
بس قال في وحده كاتبه دوله عنقوديه
قصدها عقائديه خخخخ
وقال التعاريف مألفين من عندهم
واشياء يعني ضحكنا صراحه

ولما جا يشرح الدرس كان بيقول دارفور
قال كارفور
خخخخخخخخ فطسنا ضحك
على طول جا ببالي شكله ناوي يروح يتقضى من هناك

واليوم يقول مشكله الزوووباب = الذباب
في القاعه كلنا نشكي الدكاتره ومرات يلاقون صورصار خخخخخخخ

وعندنا مدرسه لغات جديده
احس انها بتحقد علي مستقعده لها انا قعده
على كل شي اقولها لا بس مو المفروض كذا
وهي تفهي بعدين تقول ايه صح الكتاب خطأ !!
ومدري ايش
الزبده يقولون انها مطروده من جامعه الامير محمد :whistling:
بس بطله الاختبار جابت نسسسسسخه تمارين الكتاب
وواحد من الاسئله نقول لها تراه ناقص تأكدي ومدري ايش نذكر ان فيه شي فيه رقم 7
وهي تقول لا
يوم خلصنا حنا البنات شيكنا الكتاب
تقول لي وحده ان انا متأكده 3 شروط شكلها ماشافت الشرط الثالث بالصفحه اللي ورا
>> ماشاء الله علينا صامين الكتاب :LSHIC::LSHIC:
بس على كلامها هي تبغاه كذا
ولا انا اشك انها ماشافته وسلكت لعمرها

حتى الاسئله مو مرتبه زي الناس وفي جزء خلتنا نكتب معاها
المفروض تكتبه على الاقل بخط يدها وتصور الورق
مو تحوسنا وقت الاختبار

هممم بس هذا اللي جا ببالي

عابر

12-12-2010, 01:56 AM

قدامك محاسبة التكاليف والمحاسبة المتقدمة والمحاسبة التطبيقية مواد تشيّب الرأس . والله يا نونني
لا وكانوا يعطوني بعض الدكاتره الدرجات بالفاصلة من المية
مثل : مرة في أحدالاختبارات قالي دكتور أنت جبت في ( الكوزّ ) 4،41 %

الله الله على الإنصاف .. هالـ 41 بالمية هذي كيف حسبها ؟؟؟!!! الله يسامحه

أوصيك في المحاسبة بكثرة حل التمارين ...كل التمارين !! وهذا هو السبيل لتخطيها والتفوق فيها
المحاسبة تحتاج طالب لا يتنفس

قرأت لك سرد حيوي جميل : وصف الأمكنة ، أدوار الشخوص ، حضورالزمن ،تقنية استدعاء الماضي
الدراما والميلو دراما ، أضنني أمام رواية نونني

أوكد موداتي

أخوك عابر

ฑ๑๑หy.M.SH

12-24-2010, 11:48 PM

مرت مواقف كثثثثير كثثثير ..
بس ماعندي مجال ولا وقت اكتب !

طبعا حالياً انا جالسه اختبر مد2
باقي لي هذا الاسبوع فيه 3 اختبارات
والاسبوع اللي بعده يمكن يكون فيه كويز و اختبار عملي اتوقع !

بالضبط باقي 3 اسابيع على الاختبارات النهائيه
وحنا مازلنا مكروفين بالاختبارات
مدري شلون بندخل على الاختبارات النهائيه
النفسيه بدت تخرب شوي شوي ..!!

هذا السمستر غريب عجيب !
على اني احسسسه مر بسسرعه
على اني كأني احسبه نهايه السنه !!
وانصدم ان باقي سمستر ثاني

باقي لي هذا السمستر
والجاي الله يعديه لنا على خير وبمعدل ي رب يكون عآلي
حتى اقدر اكمل بكالوريوس

همممم ..
دفعتنا 2010
زي ما تقول صديقتي : من المغضوب عليهم
حنا سنه النحسس بكل شي

النظام الجديد
ان ماده اللغات للسمستر الجاي للي تخصصهم محاسبه مايدرسونها
وحنااا حظنا الحلو اننا اخذناها هذا السمستر !! يعني لازم ندرسها
ومانقدر نحذف وحتى لو حذفنا لازم ناخذها
لان هالنظام يتطبق على السمستر الجاي بس
وفي بنات حظهم حلو .. ما اخذوها هذا السمستر :/

وفي ماده مفاهيم لازال النقاش جاري عليها
ناس تقول بتنحذف وحنا متشققين من الفرحه
وناس تقول لا ونظل على كلمتنا دفعه المغضوب عليهم !!

كل شي زين يجي للسنه اللي بعدنا !

وو بالاخير نقول ... الخيره فيما اختاره الله

وهممممم ...

بقولكم اخر شي صار ..
كان عندي كلاس احصاء
وجالسه تكلمنا عن الاختبار
اختباري بكرا على فكره ..الله يسهل ي ررررب

المهم فـ تقول انا متعاونه معاكم كثثثير
وراح اسوي لكم بونس اذا قررت

انا لا شعورياً : اذذذذذاااااا
البنات : ههههههههاااي
الدكتوره : هههههه ايوه اذا

من جد متعاونه صراحه !
كلفتي على نفسك لا بعد تقول يكفي انها مفكره

الله يسهل ي رررب
على اني كنت احبها قبل لما كانت حامل اول سمستر لي بالجامعه
على انها صارت نحييييييسه

تقول لنا في جزء افهموه
قلت لها يعني هذا نفهمه وهذا ماندرسه
تقول ليه انتوا كثيرين اسئله !!

ي عمي وضحي طيب دامك متعاونه معانا
وش هالنحاسه :yikes:!!!
صعبه يعني تقول لنا هذا معاكم وهذا لاء !!

الله يصبر قلوبنا عليهم

Weed

12-27-2010, 04:58 PM

انتي شكلك توك اول سنة او ثاني سنة ومبسوطة انك بـ الجامعة ..

خذي آخر الكلام من weed .. رح تطفشي وتقفل أخلاقك وتكرهي أم الجامعه بعدين ... > مفشوخ بـ الجامعة فشخ ..

+

دراستك من كلامك يبين انها بـ العربي .. وهذا شي سيء لأنه تخصص مثل الـ accounting ما ينفع بالعربي ..

ฑ๑๑หy.M.SH

12-27-2010, 07:13 PM

ايوا ثاني سنه جامعه
بعدين مين قال لك مبسوطه !
بس لاني كنت اكتبت يوميات :whistling:
بطلت اكتب !

بعدين تخصصي محاسبه
ونظامهم عربي
انتحر مثلا ؟ :lac:
برايك اصلا في تخصصات غيرها !
يعني تبغاني ادرس تاريخ ولا جغرافيا بالعربي احسن من اني ادرس محاسبه بالعربي !

انت شكلك مشروع تحطيم :poorfool::poorfool:

ฑ๑๑หy.M.SH

12-27-2010, 07:24 PM

اليوم رحت للجامعه عشآن اجتماع للنشاط !
وتعبت !
يعني رحت الجامعه عشان اجتماع سخيف
وسحبت على المحاضره مع الدكتور خخخخخخ

بس جآتني احلا بشـآره بالعصريه
ان ماده المفاهيم انحذفت :worshippy::worshippy::bounce:
اللهم لك الحمد !!

والقهر برضو ان مواد الانقلش اللي اخذناها واللي جالسين ناخذها
حذفوها بعد !
:poorfool:

نظامهم البآيخ
يقولون لو حملتي المواد اللي راح تنحذف السمستر الجاي
راح تنزل المعدل وخلاص ماتاخذها البنت
وماينفع برضو نحذفها زي ماقلت قبل
ولا نقدر ناخذ حرمان فيها عشان مانحضر لان برضو بتنزل معدل !

حرام عليهم 3 مواد دارسينها وبالاخير تنحذف !
ماده خلصناها
ومادتين جالسين ندرسها وهي اصلا بتنحذف

جامعه غبيه ! :poorfool:

Mr.a7maD

12-28-2010, 03:02 AM

ههههههههههههههههههههه

يومياتج عجيبه الصراحه
نظام الجامعات بالسعوديه كله يبغاااله فورمات من جديد

غريبه يخذفون عليكم مواد بدون موافقة الطالب :new_shocked:

طيب واللي مسويله بلاااان وانو لازم يخلص هالعدد من الساعات وش يسوي

ينتحر !! ؟

ฑ๑๑หy.M.SH

12-28-2010, 08:45 AM

حنا مبسوطين لان ماده المفاهيم انحذفت
لان يقولون صعبه والدكتوره اللي تدرس الماده مش ولا بد
وفي كثير يرسبون فيها

بس ان المواد الثانيه حرام عليهم المفروض من قبل حاذفينها
مو توهم يفكرون وحنا نموت قهر !!

بس الشكوى لله

لا بعد موقع الجامعه
انفصلت هي عن فيصل
فصارت الدمام
ولسى موقعهم ماضبط
فجأه دخلنا على موقع فيصل لقيناهم مطيرينا من عندهم مالنا جداول :lol::lol:

ولما رحنا للقبول و التسجيل
قالوا بعد مدري كم بينزل الجدول على فيصل مره ثانيه
ولسى التسجيل كل ماله ويتأجل
ماضبطوا الجدول عشان نضبط جداول السمستر الجاي
الله يستر بس ومايحوسونا مثل هالسمستر :thmbdn::thmbdn:

فجأه تسوي لك جدول ومبسوط فيه
وفجأه تشيك عليه مره ثانيه تلاقيه تضبط على مزاجهم بكم ماده
لا وحتى الدكاتره تغيروا :lol::lol:!!

الله يكتب اللي فيه الخيرـ

ฑ๑๑หy.M.SH

12-28-2010, 11:51 AM

الصصصصصصصدمه الكبرى !

جاااااااامعه :thmbdn::thmbdn::thmbdn:
بقووووووه !!

اليوم داومت
واكتشفت ان كأني درست سمستر كامل وانحذف !!

مادتين درستها و انحذفت
والحين جالسه ادرس 3 مواد راح تنحذف !!!!!!!!!
مو ماده بس !!

ايش هذذذذذذذذذاااااااااا
وووووووجع وووجع بقووووووه
5 مواااااااد !!!

والسادسه هي الوحيده اللي راح احس انها انحذفت لاني مادرستها

فاشليييين جدا جدا
اخخخ بس لو يطيرون الاختبارات النهائيه لـ الثلاث مواد اللي ادرسها الحين

اففففففففففف !!!

تربيه صحيه >> درستها
انجليزي عام >> دررسته
انجليزي علمي >> جالســه ادرسه
مقدمه بحث >> جالسـه ادرسه
لغات حاسب آلي ( 1) > لان تخصصي محاسبه فما ادرسه المفروض >> جـالسه ادرسه
ومفاهيم >> ماراح ادرسها ان شاء الله :@

كلها طارت

اول كل سمستر ندرسه
6 او 7 مواد
الحين البنات اللي بعدنا
5 او 4

:rip::rip:

زليخه

12-28-2010, 02:25 PM

وش هالخرابيط

اولا كيفك نوني وش اخبارك وكيف النفسيه

بس لاتطفشين نفسك وتزعلينها والله محد يستاهل

عندي حل

اشتكوهم ولا محد بيسمعلكم

ولا سوو مظاهره اي شي

بس لاتسكتون عن حقكم حرام هذا عمر اللي يروح ...وهو مو على بالهم

ฑ๑๑หy.M.SH

01-03-2011, 07:36 PM

مارحنا ولا تكلمنا ولا قلنا شي
اكلنا قهر وسكتنا

واليوم التسجيل المبكر
اول مررررره اسجل بس 5 مواد ولله الحمد
عشان مادة المفاهيم اللي حذفوها

المهم سجلت 4
وباقي لي ماده الشعب مغلقه
وبما اننا سمستر تخرج لازم يدخلون لنا المادة
ويَ رررب تعدي هالسنه على خير وبمعدل حلو حتى نكمل البكالوريوس

وممم ايش بعد
ايوه الدكاتره زفت السمستر الجاي
مو زفت زفت بس مافي احد نعرفه ولما نسأل نكون محصورين بين دكتورتين
ناس يقولون هذيييييي ولا تاخذين عندها وززززززفت وناس تقول عاديه
وبالاخير لما نجي نسوي جدول نحصر نفسنا على دكتوره وحده بأوقات معينه
ويصير الجدول مش ولابد
والمشكلة الدكاتره اللي نعرفهم اوقاتهم كلها بالعصر !!
وبنفس اوقات المواد الثانيه

كل سمستر نقول بنسوي لنا جدول احلى من اللي قبله
ونتفاجأه ان الجدول الجديد اخسسسسس بألف مره :LSHIC::LSHIC:

بس الشكوى لله !!

صار عندي اوف الاربعاء
مع ان ماله طعم ! حلاته يوم سبت

بس بما ان يوم السبت ماعندي الا محاضره وحده الساعه 2 ونص الى 4
كأن عندي اوف :whistling:

برب اشوفكم بعدين على خير
ويَ رررب تنزل لي المادة بالوقت اللي ابغااااه
ويَ رررررب مايغيرون الدكاتره اللي اخذنا عندهم
ويَ رررررب مايحوسون جدولنا