تجآربكم شبآب ..~

[صوت الناي]

قآل تعآلى " ولآ تلقوا بأنفسكم إلى التهلكـة " ...


z6dknv7SAKE


اللي بخاطري بشكيه لفئة الشباب ،
الموضوع واضح من مقطع الفديو ،

احيانا يخون التعبير لما الواحد يبي يتكلم في موضوع معين او عن سالفه معينه ،
وانا انربط لساني ، وتوقفت الكلمات وماقدرت اجمع جملتين على بعض ،،

اللي عندي كم سؤال اتمنى من الكل المشاركه /
س1/ جربت التفحيط ؟
اذا الجواب كان بـ " نعم " كم مره بحايتك فحطت ،
واذا بـ " لاء " هل تتمنى تجربة هالمغامره ؟

س2 / طيب لو افترضنا انك جربت التفحيط ، ممكن توصف شعورك كيف كان ؟
انا اللي اتمناه اعرف وش تحسون فيه داخليا ؟؟
وش هالوناسه اللي تخليكم تدمرون حياتكم وحياة الف غيركم ؟

س3 / لو كنت مجرب التفحيط ، هل كنت في مركب السائق او كنت المرافق ؟

س4 / لو جربت الحالتين كيف كان شعورك بكل الحالتين ؟

س5 / بافتراض انك فحطت هل جربته في مكان فاضي او فيه تجمعات شباب او في مكان تجمع عوائل ؟

س6 / وأخيرا .. كلمة تقولها للمفحطين ؟!


اعذروني على كثرةالأسئلة لكن من جد اللي شفته اليوم قدامي مرره يضيق الصدر ، باقي خطوتين ويدخل فينا ونروح ضحايا لواحد تجرّد من صفات الانسانيه !!

ما ادري هل اللي فيهم جنون ! أو تخلف ! أو عبط ! أو غباء ! أو اتباع لهوى النفس !؟؟؟


انتهى ...~

[вάđя]

مـــوٍ كـَل آلشّشّبـآب يِّحبوٍن آلتفحيِّط آوٍ يِّشّجعوٍن ع هآلشّيِّ ( صح آلتفحيِّط شّشيِّ حلوٍ ) < خرٍبهـآ

بسَ يِّعنيِّ تشّوٍفيِّن من بعيِّد آبرٍكـَ



وٍبع ـديِّن آلليِّ شّجع آلشّبآب ع هآلشّيِّ < آلليِّ يِّسَممموٍنه بدوٍن آلدخوٍل غيِّرٍ آلع ـوٍئل < بتقوٍلوٍن تزوٍج ( آلشّبآب لهم ظرٍوٍف يِّمكـَن يِّدرٍسَ يِّمكـَن مآ عنده آمكـَآنيِّآت آلزوٍآج )

[صوت الناي]

طيب يابدر ولو شفت من بعيد هل تتوقع انه في لحظه ماراح يجيك شي؟!

احنا اليوم جالسين بعييد وبغينا نروح فيها !!!


وانا ادري ان موكل الششباب يحبون التفحيط لكن اللي ابي اوصل له وانا اختك وش شعورهم وش يحسون فيه وهم يحطون !!!

ومشكور على الزياره الحلوه ..

[تاجر الكتروني]

خيتو صوت الناي

الموضوع مو مجرد احساس بنشوة وبس

الموضوع اكبر من كذا

المفحط له اكثر من هدف واكثر من مجرد نشوة فرح وشعور

بعضهم يفحطون للفت انتباه وكسب شهرة .
بعضهم يفحطون حبا في اغواء الاولاد وبالتالي .... ( معروف )
بعضهم كذا بس تحدي مع اخوياه وشوفوني انا محد قدي .
بعضهم تشوفينه ماله بالتفحيط لكن مسكت معاه بيوم وفحط مع شلته

عن نفسي ما احب التفحيط وخاصة من بعد ما صار لي حادث بسبته :idiot:

لكن اشوف انه اوقات خاصة لا كنت مهجول مع الشله ودك تسوي شي يخوفهم مثلن او يزيد من الهجولة والحماس
يعني هو شعور داخلي يجي بلحظة .

طبعن فيه ناس تفحط بشكل رسمي زي اللي تشوفينهم باليوتيوب
وفيه ناس لا تفحط اذا مسكت معها غلط :D

[الـعـمـدة]

اووه صووت مبين انه كانت بتصير لكم كارثه بسبب التفحيط
انا بتكلم بشكل عام عن هذي الظاهره
في البدايه الواحد لا تعلم على السواقه
كل تفكيره متى ينام الوالد او اخوي عشان اسحب مفتاح السياره و ادور فيها بالحاره
ولا قام يفر الواحد بالحاره مر على شلته و اذا ركبو معه شلته هنا يكون دور الصديق اكبر من الاب
يعني صديقك يحب التفحيط يبي يعزز لك و يرفع فيك لين ما تتحمس و تفحط و هالنوعية من الاصدقاء هم الاغلبية
عقب هذي المرحلة يجي دوور الاب او الاخ الكبير و مدى استجابة الابن معهم ولنصايحهم
بعض الاباء يعلم ولده السواقه و يخليه يدج بالشارع لين ما يطيح الفاس بالراس
وبعض الاباء يعلم ولده السواقه مع بعض النصايح مع بعض العقوبات لا لاحظ عليه انه بدا ينحرف ومن هالكلام و يذكر له مخاطر التفحيط
هنا الابن لا سمع المخاطر يبدا يخاف لكن لما يطلع مع ربعه و مارس التفحيط ممكن يطلع رصيف او كان بيدخل بعامود او كان بيسبب حادث فـ يبدى يتذكر نصايح الاب و يكره التفحيط
طبعا انا مانكر اني اول كنت اروح لتفحيط في البدايه كانت تجمع او زي كذا او تقدرين تقولين فضوول
لكن الحين الحمد الله ماحب التفحيط و اكره بالرغم لي صاحب راس ماله دركسون و جلنط و نطلات
ومجنون بالتفحيط و كثير انصحه
ولما انصحه يتجاوب معي لكن كل نصايحي تروح مع الهوا اول ما يركب سيارته
لكن مقدر اقول غير الله يهديه
والتفحيط مخااطره كثيره جدن جدن
للعلم ان التفحيط بالريااض من اخطر التفحيط بمدن المملكه خصوصا التجمعات هناك بشكل كبير ما بالغ لا قلت عدد التجمع بالشارع فوق ال 300 و هذا شيء شفته بعيني غير السلاح الي يشيلونه المفحطين و غير طلقاتهم لين طوفو شاحنه الي ممكن تصيب اي انسان بالتجمع و حاجات كثيره تصير بالرغم من تشدد الامن مع هذي الظاهره الا انها في تزايد
والي يدعم هذي الظاهره منتدياات مخصوصه للتفحيط عن طريقها يعرف الشباب اماكن الي بيصير تفحيط و الوقت و من الي بيفحط و السيارات الي بيفحطون عليها وارقام ناس تتصل عليهم يعلمونك بأخر الاخبار لأنه ممكن يتغير الشارع بسبب مداهمة الشرطة لذا الشارع و غريب جدن ما سكرو مثل هذي المواقع او المنتديات الا انا اصنفها من صنف المواقع الاباحيه !
وحاجات كثيره غير هذي الاشياء

[جريح الزمان]

مشكورهـ ـآختي صوت ـآلناي على طرحك ـآلمميز
ـآلحمدلله ـآلذي وهبني نعمة ـآلصحة و ـآلعقل
فآنا لست من متآبعينهم لا من قريب ـآو بعيد
و ـآلحمدلله على سلامتكم ـآختي صوت ـآلناي

بآ ختصار ـآنا ـآسميها لعبة ـآلموت لمآ فيهآ من ـآخطار على ـآلمفحط و على من حوله من جمآهير
وعلى ـآلسيارات ـآلتي لا حول لهآ و لا قوة من ـآلمارهـ
فآني ـآحزن كثيراً عندمآ ـآرى ـآو ـآسمع مآ يقوم به بعض ـآلشباب - هداهم الله -
من هذهي ـآلسلوكيات التي راح ضحيتها العديد من الأنفس والأموال والممتلكات العامة
ففي هذا ـآلزمان ـآصبحت ظآهرة لانهآ تمآرس بشكل يومي
ومن ـآلطريف ـآن بعض ـآلمفحطين يقول: ـآن ـآلتفحيط هواية ومهآرة وفن
فنقول: عجباً له هل قتل ـآلانفس و ـآتلافـآلاموال وـآلممتلكات وترويع ـآلامنين و ـآزعاج ـآلاجهزة الأمنية يعد هواية؟
ـآما علِموا بقول ـآلرسول صلى الله عليه وسلم: «لزوال ـآلدنيا ـآهون على الله من قتل مؤمن بغير حق»
ـآسفين على ـآلاطالة ـآو ـآلخروج عن صلب ـآلموضوع
تقبلي مروري
ـآخوكـ / جريح ـآلزمان

[صوت الناي]

تاجر :
اول شي الحمدلله على سلامتك ولو انها متأخره شوي
ومشكور ع المرور ، اسعدني تواجدك ووصفك للشعور ..


العمدة :
الله يهدي الجميع يارب ،،
من جد الرياض لو الشارع مليان والله مايعبرون أحد ..
اهم شي متعته وياليت هالمتعه تدوم كلها ثواني وتنتهي ،

جريح الزمان :
الله يسلمك اخوي :)

ومن ـآلطريف ـآن بعض ـآلمفحطين يقول: ـآن ـآلتفحيط هواية ومهآرة وفن
اهل العقول برآحه ، وش ذا الهوايه اللي ماوراها مكسب !
مشكور ع المرور ، بالعكس نورت ..

قمرآي مشكور ع التقييم ...~

[вάđя]

شششعـورهم للونـآسسه ومثل ما قال تاجر الكتروني


ـآلع ـــفوٍ

[ريتشآرد]

مهارةْ من الداخلِ فارغهْ في اعتقادي ..

سلمتِ ياطيبهْ ..\

[وسنان]

ما عندي تعليق الا بسطرين.. والحر تكفيه الاشارة..

1- قالوا في المثل: (الحَب.. يطلع على بذره).

2- من أمن العقوبة.. أساء الأدب.

وسلامتكم.

[صوت الناي]

بدر /
تشرفت بعودتك،

القادم من بعيد /
شكرا على المرور
نورت ..

وسناان /
كلمتين حلوين ، شكرا ع المرور

نيمو /
تسلمين على احلى تقييم :$

..~

[الــشــآكــے]

آختي صوت النآي

يعطيك آلف عافيه يارب ع الطرح الراقي و المميز

من ناحيتي انا لاني متابع ولاني مفحط ولاني قريب من هالشي بالمره

و آحمدلله أني كذا لأن بأي لحظه يمكن يفقد نفسك او يخسر الارواح الي معه

و المفحط يبحث من ورا هالشي

الشهره او مقصد ثاني والعياذ بالله وانتم عارفين هالشي ولا يخفى عليم

أتمنى أني وفقت بالاجابه
سي يؤؤ

[вάđя]

ـآلشّرٍف ليِّ ً/ صوٍت النـآيِّ

[ضيء العيون]

صوت

بحكم اني بنت لكن جربت هالشي .. يسمح لي إبدي الرأي ؟...؟

==> وربي اني عاقله الحين .. :$..

[صوت الناي]

الشاكي /
شكرا لتواجدك ، والحمدلله انك بعيد عن هالشغلات

بدر /
شكرا لتفاعلك

ضي العيون /
تفضلي قولي الي بخاطرك بما انك جربتي :) ..