شموخ أنثى
04-08-2010, 09:44 AM
بسم الله الرحمن الرحيم
مساء الخير ورضا الرحمن و المحبة و أن شاء الله تكونون بخير وأيامكم كلها سعادة ، كل شيء في الحياة ممكن يتغير بس أبي أتكلم معكم عن موضوع واختارت له عنوان وهو للحين الدنيا بخير ولا الناس صارت غير يعني الشاعر يقول نعيب الزمان والعيب فينا هل الناس تغيرت للأسوأ أم أن الظروف والبيئة هي اللي تتحكم فأن نكون من نحن عليه الآن إما أن هناك جانب خير وشر يختلف من ـشخص لأخر وأحيانا يطغى الشر على الخير والعكس يقول جل شأنه في عظيم تنزيله (ونفس وما سواها فألهمها فجورها وتقواها) راح اطرح بعض المواقف صارت للناس وبعضها لي أنا واعلق عليها
الموقف الأول: إحدى صديقاتي ونفس الوقت من جيراني بنت محترمة واعرف من و احنا صغار كانت دائما تتشكى من ولد جيرانهم كان يغني لها ويحاول يغازلها من شباك غرفته لأنه مقابل لشباكها أو قريب منه فنصحتها تبلغ أمها بالموضوع أم البنت خافت من ردة فعل أخوانه لأنهم من النوع العصبي جدتا فاقترحت عليها تغير مكان غرفته يعني تصير في الطابق الأرضي وقريب من غرفة أمها وفعلا نفذت هالفكرة تظنون وقف بالعكس ابتكر طريقة جديدة وصار يرمي حصى صغيرة على شباكها اللي صار دائما مغلق بسببه ويغني أيضا نفس الأغاني وما في فايدة منه والأقوى أن أخت الولد كانت تدرس معنا في نفس المدرسة ما ادري ما خاف أن صديقتي تقول لأخته المهم هذا من فترة لكن مرت فترة كبيرة وهو على حالته وفي من الأيام سافر أبوها صديقتي وكانت عازمة أخواتها وكان ولد أختها الكبيرة موجود بمفرده يعني هو الرجل الوحيد في البيت المهم فجأة جاءت نجد اخوي مات كانت تصرخ طبعا الكل راح يشوف وش اللي صاير فعلا محمد طايح على الأرض ولا فيه أي نفس طبعا كلموا الإسعاف اللي ما وصل إلا بعد نقل محمد للمستشفى القريب من بيتيهم المهم أم محمد وطبعا هو شاب في الثلاثين من عمره ما شاء الله صحة ممتازة حاولت هي وأخواتها يحركونه ما في فائدة فلبست عباءته وحولت تطلب المساعدة من أي احد ممكن يمر في الشارع وفعلا مر ولد جيرانهم اللي قلت لكم عنه ومعه أصدقائه المهم عرف انه بيت جيرانهم فنزل من السيارة وسأل وش اللي صاير فقالت له أم محمد ولدي بيموت المهم سأل وينه ودخل فعلا هو وأصدقاءه ووصلوه للمستشفى وقعدوا معه إلى أنا أفاق كان المسكين يمر بسكتة قلبية المهم ما قالت لي صديقتي استغربت موقف ولد جيرانهم خصوصا انه ما عاد يغني ولا يؤذي صديقتي بعدين قلت لها يمكن جانب الخير طلع عنده كثر خيره فيه شهامة والحركات اللي قبل كان يسوي طيش شباب والله يهدي كل الشباب أن شاء الله
أما الموقف الثاني: فهو لأثنين من أخواني كانوا يعلمون في احد الشركات الكبيرة عندنا واحد منه رئيس قسم وهو محمد في مرة طلعت الترقيات وكان من بينهم اخوي الثاني عبدالله طبعا في موظف كان ينافق لأخوي طول الوقت ويغيب واخوي يحذره أكثر من مرة هذا الموظف ما طلع له ترقية بسبب تغيبه و إهماله ما أعجبه الوضع راح وأرسل شكوى ضد اخوي رئيس القسم محمد المهم سمعه بعض الموظفين اللي يعرفون قصته وانصحوه أن يلتزم بدوام حتى يترقى وانه ما كان له أي حق بالترقية طبعا رفض وراح يشتكى فبلغ الموظفين اخوي لكن اخوي إنسان جدي لأخر درجة فقال هو حر هذا حق له انه يشتكي ولا راح أتخذ أي إجراء ضده المدير هو الي راح يشوف لو كان صح أو أنا اللي صح وأنا ما ظلمته والغريب أن الموظفين العاديين هم الي راحوا يدافعون عن اخوي ومن غير ما يقولوا له والمدير كان عارف أن هالموظف غير ملتزم بالدوام فما صدقه لكن اقترح على اخوي محمد نقل وترقية في نفس الوقت للقسم ثاني غير اللي فيه اخوي عبدالله بس الي أن مستغربته دفاع الموظفين من غير أي مقابل يعني الدنيا للحين بخير وفيها ناس طيبة ممكن تساعد من غير أي مقابل ومن غير ما تذكر هي من تكون؟
الموقف الثالث: للولد عمي كان راجع من دوامه عادي ماشي في طريق بيتهم وفجأة بنت تبكي وتصرخ ورائه شباب يحولون غصب يركبونها سيارتهم وكانت طالبه مدرسة ثانوية المهم نزل ولد عمي وحول يساعدها نصحهم وقال اتركوه مل عندكم أخوات وترضون احد يسوي الي انتم تسونه المهم هددوه أنهم راح يعطنونه لو تدخل ولد عمي عصب وراح سلاحه هو رجل عسكري طبعا شافوا السلاح تركوه وحرك بسرعة وكانت البنت منهارة وخايفة بس ولد عمي هدأها وقال لها بأ وصلك البيت طبعا رفضت فقال أنت امشي على رجلك وأنا اتبعك بالسيارة من بعيد حتى ما يرجعون وفعلا وصلت البنت للبيتها وشكرت ولد عمي على مساعدتها لكن نصحها أنها ما تمشي من المدرسة للبيت لوحدها أو تخلي احد يجي يأخذها من المدرسة يعني بصراحة ليش الشباب يسوون كذا وحده ماشية في طريقها لا وكانت لابسة عيابة رأس وقفازات يعني مو باين منها أي شيء إذا يبون الخراب فيه ناس خربانه كثير يروحون لهم وش ذنب الناس الماشية في حالها بعدين الي يسونه في بنات الناس راح يصير بأخواتهم هم ما يفكرون بالحرام والحلال أنه ممكن يصير لأخواتهم الله يهديهم
الموقف الرابع: قرأت في الصحف السعودية وعرض على برنامج السنة الماضية تقريبا بنت تزوجت لكن زوجها طردها من البيت في الليل وطلقها في نفس الوقت المهم قعدت تترجاه انه يخليها تنام عنده هي وعيالها على الأقل لحد الصبح المهم كردها وين تروح أو لمن تلجأّّ؟ حتى يساعدها راحت للبيت أخوها الوحيد وهو متزوج فتح الباب لها وسألها وش فيك وكانت تبكي هي وعيالها المهم قالت له طلقني وطردني ترجيته يخليني للصبح لكن رفض وطردني المهم قال لها تفضلي وهذا الطبيعي كأخ لكن نزلت زوجته المتسلطة وسوت تحقيق كم يوم راح تقعد عندنا وليش طلقها أكيد مسويها شيء غلط والعيب في تربيتها يعني هزأت العائلة والمسكينة الأخت تبكي والأخ مؤيد لزوجته المهم عصبت الزوجة المتسلطة وقالت ما نقعد عندي وقالت الأخت المسكينة طيب لحد الصبح وراح اطلع ابدا ولا دقيقة الحين تطلعني خارج بيتي وش دخلني فيك المهم الأخ صنما لا يتحرك والأخت تبكي حرام عليك ما في فائدة الأخ ما راح يتدخل المهم أنا أختك طبعا الزوج وانطردت من بيت أخوها اللي تتحكم فيه زوجته تدرون وين نامت تخيل هي وعيالها الأربعة في كورنيش الدمام وكان أيامها الجو بارد يعني للي كان المفروض يكون عزوة وسند صار ما منه فائدة بالعكس هو السبب لا اخو ولا زوج كلهم ضد هالمسكينة بصراحة حسبي الله عليهم هم الاثنين وعلى زوجة الأخ المتسلطة يعني في حالتهم الدنيا ما فيها خير من اقرب الناس
الموقف الخامس: صديقتي المقربة جدا من أيام الابتدائية بدرية عندها بنات عمها طيبات أنا اعرفهم شخصيا ذوق وطيبة وأخلاق وقمة في الأناقة مرة تسولف بدرية معي كان عندهم عشاء عائلي بنات عمها وعمتها المهم تقول بنات عمتي يمدحون في بنات عمي بشكل خيالي وفي ذوقهن الراقي بعد العشاء راحوا الناس بس بقى بنات عمي تدرين عن وش يتكلمون سألتها قالت المدح الخيالي انقلب للسب ونميمة وحسد بشكل ما تتخيلينه أسوء شيء ممكن تتخيلينه وتقول قعدت ادفع عنهن وأقول بالعكس توكم تمدحونهن المهم زعلوا وراحوا يعني بسهولة نمدح ونذم ونافق يعني حتى اقرب الناس ممكن ينافقونك الله لا يبلانا والموقف السادس: كنت مزعومة على حفلة زواج أمي معي فيه واحدة اعرفها هناك تدعي انه مطوعة اسمها إيمان المهم جلست جنبي وقامت تحش وتسب وتعيب على واحدة نعرفها أنا وياها وهي سعاد أنها أقبح واحدة شافتها في حياتها وأخلاقها سيئة جدا وكلام كثير سيء في حق سعاد طبعا أنا اعرف سعاد يعني إنسانه عادية مثل باقي الناس بالعكس طيبة لأخر درجة وما شفت منها الأ كل خير ونصحت إيمان ما يصير تتكلمين عنها بالطريقة السيئة هذه المهم عشر دقائق هذه عاد تجيء عندنا أنا وإيمان وسلامات مشتاقة لكم سعاد طبعا هي الي تقول كذا الصدمة رد إيمان اللي توا كانت تحش في سعاد وتسب تدرون وش قالت يا القاطعة من زمان ما شفتك والله إني احبك مرة واعتبرك أختي أنا انصدمت وأمي بعد قامت تقول لي هذه مو اللي كانت تسب فيها قبل شوي وأنا أهز رأسي وأقول هي نفسها المهم كملته نفاقها مع سعاد وتمثيل دور المشتاقة لها وأنا لحد اليوم مصدومة فيها كيف تقدر تغير مشاعرها وفي ثواني و كيف تقدر تمثل هذه ما راح أصدقها لو تحلف لي يعني الدنيا ما فيها خير والناس صارت غير
الموقف السابع: خارج المملكة تحديد أمريكا امرأة في الثلاثين صوت صراخ وبكب وضرب المهم في احد شقق نيويورك في الشقة المقابلة شباب سعوديون يدرسون هناك في الجامعة سمعوا الصوت فتاة تبكي وصوت الضرب وصل لأخر الشارع نواف كان هناك وعبد العزيز واحمد ومحمد وعبدالله المهم نواف الصوت صوت بنت تتكلم باللهجة السعودية لازم نساعدها وفعلا اتجهوا للشقة المقابلة بنت تنزف دم وتبكي وتقول أبي ارجع لأهلي طلعت متزوجة وزوجها طلقها وصربها وطردها ويقول لها بالطقاق يعني ما لي دخل فيك تقعدين تسافرين المهم خارج بيتي الشباب انصدموا وحالوا يتدخلون ما في فائدة طردها طلبت المساعدة منهم وكان معه محمد وهو يدرس طب فعالجه الكدمات اللي كانت منتشرة في جسمها كله وجروح وهم أساس كانوا راح يرجعون للسعودية بعد كم يوم المهم كيف نقدر نساعدك أبي لرجع للسعودية وبس المهم جمعوا مصروفهم واشتروا تذكرة لها وكانت في نفس طائراتهم واهتموا فيها كما لو كانت أختهم وبمجرد وصولهم المطار كان اخو البنت ينتظرها وطلبت منهم أنهم يبتعدون حتى ما يشافوهم أخوها وتصير مشكلة لها وشكرتهم على مساعدتهم لها يعني الدنيا للحين فيها خير ساعدوها رغم أن البعض كان متخوف والبعض رافضا لأنها امرأة متزوجة وأنا ما ألومه بس بصراحة كبروا في عيني لما ساعدوها الله يجزاهم ألف خير
المواقف كلها قصص واقعية ما فيها تأليف وتصير مع أي واحد فيكم
المهم الناس يتغيرون لدرجة ما نتخيلها الممنوع صار مسموح والبعد عن دين أحيانا بسبب الانفتاح والتطور وأحيانا الناس بشر فيهم جانب سيء وجانب ايجابي يطغى واحد على الثاني ويسيطر بس المهم اللي معدنه أصيل وطيب يرجع لأصله وإذا أخطاء يعتذر ويصلح خطأه، وإذا عندكم مواقف مشابهة اذكروها أو لكم أي رأي اطرحوه إذا حبيتوا واذكروا رأيكم في وقتنا هل الدنيا ما فيها خير ولا الناس صارت غير يعني العيب فعلا فينا مو في الزمان ومثل ما يقولون لو خليت لخربت والله يصلح الأحوال ويهدينا وإياكم لكل خير
دمتم بكل ود
أختكم شموخ أنثى
مساء الخير ورضا الرحمن و المحبة و أن شاء الله تكونون بخير وأيامكم كلها سعادة ، كل شيء في الحياة ممكن يتغير بس أبي أتكلم معكم عن موضوع واختارت له عنوان وهو للحين الدنيا بخير ولا الناس صارت غير يعني الشاعر يقول نعيب الزمان والعيب فينا هل الناس تغيرت للأسوأ أم أن الظروف والبيئة هي اللي تتحكم فأن نكون من نحن عليه الآن إما أن هناك جانب خير وشر يختلف من ـشخص لأخر وأحيانا يطغى الشر على الخير والعكس يقول جل شأنه في عظيم تنزيله (ونفس وما سواها فألهمها فجورها وتقواها) راح اطرح بعض المواقف صارت للناس وبعضها لي أنا واعلق عليها
الموقف الأول: إحدى صديقاتي ونفس الوقت من جيراني بنت محترمة واعرف من و احنا صغار كانت دائما تتشكى من ولد جيرانهم كان يغني لها ويحاول يغازلها من شباك غرفته لأنه مقابل لشباكها أو قريب منه فنصحتها تبلغ أمها بالموضوع أم البنت خافت من ردة فعل أخوانه لأنهم من النوع العصبي جدتا فاقترحت عليها تغير مكان غرفته يعني تصير في الطابق الأرضي وقريب من غرفة أمها وفعلا نفذت هالفكرة تظنون وقف بالعكس ابتكر طريقة جديدة وصار يرمي حصى صغيرة على شباكها اللي صار دائما مغلق بسببه ويغني أيضا نفس الأغاني وما في فايدة منه والأقوى أن أخت الولد كانت تدرس معنا في نفس المدرسة ما ادري ما خاف أن صديقتي تقول لأخته المهم هذا من فترة لكن مرت فترة كبيرة وهو على حالته وفي من الأيام سافر أبوها صديقتي وكانت عازمة أخواتها وكان ولد أختها الكبيرة موجود بمفرده يعني هو الرجل الوحيد في البيت المهم فجأة جاءت نجد اخوي مات كانت تصرخ طبعا الكل راح يشوف وش اللي صاير فعلا محمد طايح على الأرض ولا فيه أي نفس طبعا كلموا الإسعاف اللي ما وصل إلا بعد نقل محمد للمستشفى القريب من بيتيهم المهم أم محمد وطبعا هو شاب في الثلاثين من عمره ما شاء الله صحة ممتازة حاولت هي وأخواتها يحركونه ما في فائدة فلبست عباءته وحولت تطلب المساعدة من أي احد ممكن يمر في الشارع وفعلا مر ولد جيرانهم اللي قلت لكم عنه ومعه أصدقائه المهم عرف انه بيت جيرانهم فنزل من السيارة وسأل وش اللي صاير فقالت له أم محمد ولدي بيموت المهم سأل وينه ودخل فعلا هو وأصدقاءه ووصلوه للمستشفى وقعدوا معه إلى أنا أفاق كان المسكين يمر بسكتة قلبية المهم ما قالت لي صديقتي استغربت موقف ولد جيرانهم خصوصا انه ما عاد يغني ولا يؤذي صديقتي بعدين قلت لها يمكن جانب الخير طلع عنده كثر خيره فيه شهامة والحركات اللي قبل كان يسوي طيش شباب والله يهدي كل الشباب أن شاء الله
أما الموقف الثاني: فهو لأثنين من أخواني كانوا يعلمون في احد الشركات الكبيرة عندنا واحد منه رئيس قسم وهو محمد في مرة طلعت الترقيات وكان من بينهم اخوي الثاني عبدالله طبعا في موظف كان ينافق لأخوي طول الوقت ويغيب واخوي يحذره أكثر من مرة هذا الموظف ما طلع له ترقية بسبب تغيبه و إهماله ما أعجبه الوضع راح وأرسل شكوى ضد اخوي رئيس القسم محمد المهم سمعه بعض الموظفين اللي يعرفون قصته وانصحوه أن يلتزم بدوام حتى يترقى وانه ما كان له أي حق بالترقية طبعا رفض وراح يشتكى فبلغ الموظفين اخوي لكن اخوي إنسان جدي لأخر درجة فقال هو حر هذا حق له انه يشتكي ولا راح أتخذ أي إجراء ضده المدير هو الي راح يشوف لو كان صح أو أنا اللي صح وأنا ما ظلمته والغريب أن الموظفين العاديين هم الي راحوا يدافعون عن اخوي ومن غير ما يقولوا له والمدير كان عارف أن هالموظف غير ملتزم بالدوام فما صدقه لكن اقترح على اخوي محمد نقل وترقية في نفس الوقت للقسم ثاني غير اللي فيه اخوي عبدالله بس الي أن مستغربته دفاع الموظفين من غير أي مقابل يعني الدنيا للحين بخير وفيها ناس طيبة ممكن تساعد من غير أي مقابل ومن غير ما تذكر هي من تكون؟
الموقف الثالث: للولد عمي كان راجع من دوامه عادي ماشي في طريق بيتهم وفجأة بنت تبكي وتصرخ ورائه شباب يحولون غصب يركبونها سيارتهم وكانت طالبه مدرسة ثانوية المهم نزل ولد عمي وحول يساعدها نصحهم وقال اتركوه مل عندكم أخوات وترضون احد يسوي الي انتم تسونه المهم هددوه أنهم راح يعطنونه لو تدخل ولد عمي عصب وراح سلاحه هو رجل عسكري طبعا شافوا السلاح تركوه وحرك بسرعة وكانت البنت منهارة وخايفة بس ولد عمي هدأها وقال لها بأ وصلك البيت طبعا رفضت فقال أنت امشي على رجلك وأنا اتبعك بالسيارة من بعيد حتى ما يرجعون وفعلا وصلت البنت للبيتها وشكرت ولد عمي على مساعدتها لكن نصحها أنها ما تمشي من المدرسة للبيت لوحدها أو تخلي احد يجي يأخذها من المدرسة يعني بصراحة ليش الشباب يسوون كذا وحده ماشية في طريقها لا وكانت لابسة عيابة رأس وقفازات يعني مو باين منها أي شيء إذا يبون الخراب فيه ناس خربانه كثير يروحون لهم وش ذنب الناس الماشية في حالها بعدين الي يسونه في بنات الناس راح يصير بأخواتهم هم ما يفكرون بالحرام والحلال أنه ممكن يصير لأخواتهم الله يهديهم
الموقف الرابع: قرأت في الصحف السعودية وعرض على برنامج السنة الماضية تقريبا بنت تزوجت لكن زوجها طردها من البيت في الليل وطلقها في نفس الوقت المهم قعدت تترجاه انه يخليها تنام عنده هي وعيالها على الأقل لحد الصبح المهم كردها وين تروح أو لمن تلجأّّ؟ حتى يساعدها راحت للبيت أخوها الوحيد وهو متزوج فتح الباب لها وسألها وش فيك وكانت تبكي هي وعيالها المهم قالت له طلقني وطردني ترجيته يخليني للصبح لكن رفض وطردني المهم قال لها تفضلي وهذا الطبيعي كأخ لكن نزلت زوجته المتسلطة وسوت تحقيق كم يوم راح تقعد عندنا وليش طلقها أكيد مسويها شيء غلط والعيب في تربيتها يعني هزأت العائلة والمسكينة الأخت تبكي والأخ مؤيد لزوجته المهم عصبت الزوجة المتسلطة وقالت ما نقعد عندي وقالت الأخت المسكينة طيب لحد الصبح وراح اطلع ابدا ولا دقيقة الحين تطلعني خارج بيتي وش دخلني فيك المهم الأخ صنما لا يتحرك والأخت تبكي حرام عليك ما في فائدة الأخ ما راح يتدخل المهم أنا أختك طبعا الزوج وانطردت من بيت أخوها اللي تتحكم فيه زوجته تدرون وين نامت تخيل هي وعيالها الأربعة في كورنيش الدمام وكان أيامها الجو بارد يعني للي كان المفروض يكون عزوة وسند صار ما منه فائدة بالعكس هو السبب لا اخو ولا زوج كلهم ضد هالمسكينة بصراحة حسبي الله عليهم هم الاثنين وعلى زوجة الأخ المتسلطة يعني في حالتهم الدنيا ما فيها خير من اقرب الناس
الموقف الخامس: صديقتي المقربة جدا من أيام الابتدائية بدرية عندها بنات عمها طيبات أنا اعرفهم شخصيا ذوق وطيبة وأخلاق وقمة في الأناقة مرة تسولف بدرية معي كان عندهم عشاء عائلي بنات عمها وعمتها المهم تقول بنات عمتي يمدحون في بنات عمي بشكل خيالي وفي ذوقهن الراقي بعد العشاء راحوا الناس بس بقى بنات عمي تدرين عن وش يتكلمون سألتها قالت المدح الخيالي انقلب للسب ونميمة وحسد بشكل ما تتخيلينه أسوء شيء ممكن تتخيلينه وتقول قعدت ادفع عنهن وأقول بالعكس توكم تمدحونهن المهم زعلوا وراحوا يعني بسهولة نمدح ونذم ونافق يعني حتى اقرب الناس ممكن ينافقونك الله لا يبلانا والموقف السادس: كنت مزعومة على حفلة زواج أمي معي فيه واحدة اعرفها هناك تدعي انه مطوعة اسمها إيمان المهم جلست جنبي وقامت تحش وتسب وتعيب على واحدة نعرفها أنا وياها وهي سعاد أنها أقبح واحدة شافتها في حياتها وأخلاقها سيئة جدا وكلام كثير سيء في حق سعاد طبعا أنا اعرف سعاد يعني إنسانه عادية مثل باقي الناس بالعكس طيبة لأخر درجة وما شفت منها الأ كل خير ونصحت إيمان ما يصير تتكلمين عنها بالطريقة السيئة هذه المهم عشر دقائق هذه عاد تجيء عندنا أنا وإيمان وسلامات مشتاقة لكم سعاد طبعا هي الي تقول كذا الصدمة رد إيمان اللي توا كانت تحش في سعاد وتسب تدرون وش قالت يا القاطعة من زمان ما شفتك والله إني احبك مرة واعتبرك أختي أنا انصدمت وأمي بعد قامت تقول لي هذه مو اللي كانت تسب فيها قبل شوي وأنا أهز رأسي وأقول هي نفسها المهم كملته نفاقها مع سعاد وتمثيل دور المشتاقة لها وأنا لحد اليوم مصدومة فيها كيف تقدر تغير مشاعرها وفي ثواني و كيف تقدر تمثل هذه ما راح أصدقها لو تحلف لي يعني الدنيا ما فيها خير والناس صارت غير
الموقف السابع: خارج المملكة تحديد أمريكا امرأة في الثلاثين صوت صراخ وبكب وضرب المهم في احد شقق نيويورك في الشقة المقابلة شباب سعوديون يدرسون هناك في الجامعة سمعوا الصوت فتاة تبكي وصوت الضرب وصل لأخر الشارع نواف كان هناك وعبد العزيز واحمد ومحمد وعبدالله المهم نواف الصوت صوت بنت تتكلم باللهجة السعودية لازم نساعدها وفعلا اتجهوا للشقة المقابلة بنت تنزف دم وتبكي وتقول أبي ارجع لأهلي طلعت متزوجة وزوجها طلقها وصربها وطردها ويقول لها بالطقاق يعني ما لي دخل فيك تقعدين تسافرين المهم خارج بيتي الشباب انصدموا وحالوا يتدخلون ما في فائدة طردها طلبت المساعدة منهم وكان معه محمد وهو يدرس طب فعالجه الكدمات اللي كانت منتشرة في جسمها كله وجروح وهم أساس كانوا راح يرجعون للسعودية بعد كم يوم المهم كيف نقدر نساعدك أبي لرجع للسعودية وبس المهم جمعوا مصروفهم واشتروا تذكرة لها وكانت في نفس طائراتهم واهتموا فيها كما لو كانت أختهم وبمجرد وصولهم المطار كان اخو البنت ينتظرها وطلبت منهم أنهم يبتعدون حتى ما يشافوهم أخوها وتصير مشكلة لها وشكرتهم على مساعدتهم لها يعني الدنيا للحين فيها خير ساعدوها رغم أن البعض كان متخوف والبعض رافضا لأنها امرأة متزوجة وأنا ما ألومه بس بصراحة كبروا في عيني لما ساعدوها الله يجزاهم ألف خير
المواقف كلها قصص واقعية ما فيها تأليف وتصير مع أي واحد فيكم
المهم الناس يتغيرون لدرجة ما نتخيلها الممنوع صار مسموح والبعد عن دين أحيانا بسبب الانفتاح والتطور وأحيانا الناس بشر فيهم جانب سيء وجانب ايجابي يطغى واحد على الثاني ويسيطر بس المهم اللي معدنه أصيل وطيب يرجع لأصله وإذا أخطاء يعتذر ويصلح خطأه، وإذا عندكم مواقف مشابهة اذكروها أو لكم أي رأي اطرحوه إذا حبيتوا واذكروا رأيكم في وقتنا هل الدنيا ما فيها خير ولا الناس صارت غير يعني العيب فعلا فينا مو في الزمان ومثل ما يقولون لو خليت لخربت والله يصلح الأحوال ويهدينا وإياكم لكل خير
دمتم بكل ود
أختكم شموخ أنثى